ВЕРМИЛИОН

Саем во Болоња

2012-01-13T07:05:00.000+01:00

Оваа година Вермилион за прв пат ќе присуствува на најголемиот меѓународен саем на книги за деца во Болоња. На саемот ќе го промовираме нашиот автор за деца Христо Петрески и неговата книга „Златното јаболко...“. Саемот во Болоња почнува на 19 март и ќе трае до 22 март 2012, а почесен гостин ќе биде Португалија. На саемот изложуваат претставници од околу 66 земји, а се случуваат најразлични активности, од состаноци, предавања, награди, до изложби на илустратори. Оваа година на саемот ќе биде доделена десетата по ред Награда во чест на Астрид Линдгрен, најпрестижната награда за литература за деца, која има за цел да ја промовира литературата за деца и читањето меѓу младите. Новост на овој саем ќе биде новата категорија во наградата Рагаци посветена на дигиталните изданија за млади.

Каталог 2012

2012-01-05T06:53:00.002+01:00

Книгите кои во текот на 2012 ќе можете да ги прочитате од Вермилион.Вермилион каталог 2012

Среќна Нова 2012

2011-12-30T03:19:00.000+01:00

Драги пријатели на Вермилион,

Во текот на изминатата година издадовме седум нови наслови.

Организиравме акција за донирање на книги вокоја собраните 150 донирани книги и 50 примероци од нашите изданија им беа подаренина децата во воспитно-поправните домовиза малолетни лица. Меѓународниот ден на литературата за деца, 2 април, роденденот на Ханс КристијанАндерсен, Го одбележавме со промоција на книгата „Легендата за МарфиКомпирката“, прво издание во Македонија приспособено на деца со дислексија , какои изложба на илустрации од Димитар Торбаков. Младата словенечката уметница иавторка Ева Петрич ја посети Македонија и со изложба го промовирашемакедонското издание на својот дебитантски роман „Сите јадеа суши“. По втор патнаше издание е добитник на Златно Перо за најдобар превод; оваа година тоа епреводот на Ели Доезе од фламански јазик на „Розата и вепарот“.

Ви благодариме за уште една успешна година и се надеваме дека идната ќе бидеуште поинтересна.

Со искрени желби за среќа и мир во Новата Година.

КНИЖЕВНО ОТКРИТИЕ ОД РЕЈМОНД КАРВЕР СЕГА И НА МАКЕДОНСКИ

2011-12-27T08:55:00.003+01:00

Збирка досеганеобјавени раскази од еден од светските мајстори на оваа книжевна форма,„Почетници“ од Рејмонд Карвер, излезе од печат во превод на македонски јазик одиздавачката куќа „Вермилион“.

„Почетници“ нудифасцинантен увид во естетскиот процес наедна книжевна величина и со прашањата кои ги поставува во врска со авторството и стилот може да ја покренеедна од најголемите културнидебати на нашето време.

Во 1976 годинаРејмонд Карвер ја објавува збирката раскази„Ќе замолчите ли, ве молам?“, а со втората книга „За што зборуваме кога зборуваме за љубовта“ во 1981 годинастанува меѓународно познат по својот минималистички стил. Уредник и на двете изданија бил Гордон Лиш, кој предобјавувањето речиси го преполовилоригиналниот ракопис на „За што зборуваме...“,на големо изненадување на авторот. Карвер ја посветил книгата на потесата иавторката Тес Галагер, неговата идна сопруга, ветувајќи дека еден ден ќе гиобјави расказите во нивната оригиналнаформа.

„Почетници“ гипретставува седумнаесетте расказиод „За што зборуваме...“ во нивниот оригиналеноблик во кој Карвер му ги предал на уредникот.Карверовата преокупација со суштината на нештата е исто толку присутна и воовие подолги приказни, но со нови слоеви, нијанси и значења. Книгата нуди и извонреднодокументиран библиографски увид во метаморфозите на оригиналниот текст наКарвер, кој бил скратуван од страна на уредникот дури и до 70 проценти.

Рејмонд Карвер(1938-1988) е еден од најзначајните прозни автори во САД. Првиот расказ го објавил во 1960 година, а во следните две децении неговите песни и раскази сеобјавени во низа списанија и антологии.Прогласен е за „американскиот Чехов“, а неговите раскази се сметаат заремек-дела на американската проза.

Преводот од англискијазик е на Зоран Попоски и Марија Тодорова, добитничка на наградата „Златноперо“ за најдобар превод.

Изданието еподдржано од Министерството за култура на Република Македонија во рамки наГодишната програма за култура.

Награда за илустратор

2011-12-24T09:40:00.004+01:00

На конкурсот за илустратор пристигнаа вкупно 24 илустрации. Изборот беше многу тежок, бидејќи сите пријавени илустрации беа интересни и квалитетни.

Наградената илустрација е на Mарија Настовска. Таа ќе ја илустрира книгата за деца „Златното јаболко“ од Христо Петрески во издание на Вермилион, која ќе можете да ја најдете во книжарниците до април 2012.

Честитки за победникот и благодарност до сите кои учествуваа.

НОВИ ИЗДАНИЈА ЗА ДЕЦА И МЛАДИ ОД „ВЕРМИЛИОН“

2011-12-12T13:55:00.002+01:00

Четири новиизданија од наградени современи автори за деца и млади кои за првпат сепретставуваат пред македонската публика излегоа од печат од издавачката куќа„Вермилион“, специјализираназа книги за деца и млади. Станува збор за книгите „Девојчето од мраз и другибајки“ од младата хрватска писателка Мила Павиќевиќ, новелата за млади „Џонисејачот“ од познатиот италијански автор Франческо д’Адамо, монументалниот роман„Сите сакаме рај“ од белгиската писателка Елс Бертен и збирката раскази „Свежијаболка“ од талентираната велшка писателка Рејчел Трезис. Преводот на македонски јазик на овие изданија се реализира соподдршка од Програмата за култура на Европската Унија.

„Девојчето од мрази други бајки“ од дваесетитригодишната авторка од Дубровник, Мила Павиќевиќ, едобитник на престижната награда за литература на Европската Унија. Книгатасодржи 13 бајки во кои чудесното и натприродното се преплетуваат со реалното.Напишана е на таков начин што нема јасна граница или контраст помеѓу реалното иизмисленото, меѓу можното и неможното. Преводот од хрватски јазик е на ВладимирЈанковски, а илустрациите се на Матеј Богдановски. Изданието е технички приспособено за млади читатели со проблеми вочитањето и дислексија. (80 стр., 9-14 години)

„Џони сејачот“од Франческо д’Адамо ја раскажува приказната за Џони, локалниот херој, кој летана бомбашки мисии во војната Тамудолу. Кога ненадејно ќе се врати дома, скршен,сенка на својот претходен карактер, сите сакаат да дознаат зошто. Набргу Џони ќе започне анти-воени протести на локалниотплоштад кои ќе ги поделат жителите на селото. Франческо Д’Адамо е добитник наповеќе меѓународни награди и признанија, меѓу кои наградата „Кристофер“ одАмериканското здружение на библиотеки, наградата „Центро“ во Италија икнижевната награда на Меѓународното здружение за читање. „Некои приказни требада бидат напишани и заслужуваат да бидат читани низ целиот свет, а ’Џонисејачот’ е една од нив“, вели критиката за книгата во британскиот „Сандејтајмс“. Преводот од италијански јазик е на Анета Симовска. (130 стр., завозраст 14+ години)

„Сите сакамерај“ од Елс Бертен не е само историски приказ на ужасите на Втората светска војнаод првите борбени линии. Елс Бертен ни дава веродостојна слика за секојдневниотживот во рововите и насекаде каде се наоѓа семејството Класен и другите ликови,кои ги врзуваат семејни врски, пријателство или судбина. Четири наратори јараскажуваат приказната: браќата Јеф и Реми, нивната сестра Рене и нивниотпријател Вард. Во детален и веродостоен психолошки портрет, Бертен гипретставува нивните надежи, соништа и желби. Дали ќе мораат да почекаат дазаврши војната за да почнат да го живеат својот живот? Клучното прашање вороманот се последиците и валидноста на тешките одлуки и моралните дилеми.Романот на Бертен е добитник на низа книжевни награди, меѓу кои Фламански книжевенлав, Златен був за млади читатели, Златна рамка и наградата Нинке ван Хихтум.Критиката го оцени делото на Бертен како „монументална книга, каква што сесоздава само еднаш во десет години“. Преводот од фламански јазик е на ЕлиДоезе, добитничка на наградата „Златно перо“ за најдобар превод во 2011 година. (500стр., за возраст 14+ години)

„Свежијаболка“ од Рејчел Трезис е составена од единаесет уникатни раскази совпечатлив стил, кој на Трезис веќе ѝ го донесе името „новиот Џојс“. Прекуекономична, инвентивна и евокативна употреба на јазикот, расказите ги опишуваатпроблемите на растењето како дел од сиромаштијата во Велс. Збирката во 2006година ја доби престижната меѓународна награда „Дилан Томас“. Преводот оданглиски јазик е на Зоран Попоски. (170 стр., за возраст 16+ години)

Издавачкатакуќа „Вермилион“ е посветена на промовирање литература за деца и млади, вопревод и од домашни автори, која поттикнува меѓународно разбирање и ширење навредностите на културата за мир. Сите изданија на „Вермилион“ се печатат нарециклирана хартија.

Девојчето од мраз и други бајки

2011-11-23T16:18:00.001+01:00

Мила Павиќевиќ е најмладиот добитник на Европската награда за литература. Нејзината збирка раскази „Девојчето од мраз и други бајки“ е единствената книга за млади на која оваа награда е доделена.

Во издание на Вермилион книгата можете од денеска да ја прочитате и на македонски јазик во превод на Владимир Јанковски и со илустрации од Матеј Богдановски. Во тринаесетте бајки на Мила Павиќевиќ натприродното и волшебното се преплетуваат со реалното, можното со неможното. Иако напишани како бајки, тие си играат со формата и функцијата на бајката.

„Девојчето од мраз и други бајки“ е наменета за читатели над 9 години, но и за тинејџери кои помалку сакаат да читаат или имаат дислексија.

Преводот на оваа книга е поддржана во рамките на Програмата за култура на Европската унија.

Златно перо за „Розата и Вепарот“

2011-10-01T03:49:00.001+02:00

Ели Доезе е овогодинешниот добитник на наградата „Златно перо“ за својот превод од фламански на „Розата и вепарот“ од познатата фламанска авторка за млади Ане Провоуст. Многу сме среќни што издавачката куќа Вермилион прва објави превод од фламански оригинал и ја запозна македонската читателска публика со оваа многу интересна литература.
Ели Доезе досега за Вермилион покрај „Розата и вепарот“ ја преведе и „Книга за се’“ од Гус Каијер, а до крајот на годинава можете да ја очекувате и новата книга во превод на Ели Доезе. Станува збор за „Сите сакаме рај“ од уште една фламанска авторка, Елс Бертен.
Наградата Златно перо ја доделува Советот на Меѓународната средба на книжевните преведувачи и Сојузот на литературните преведувачи на Македонија за најдобар превод објавен во изминатата година. Се доделува во рамките на одбележувањето на Меѓународниот ден на преведувачите, 30 септември.

Повик за илустратори на книга

2011-09-12T10:02:00.002+02:00

Издавачката куќа за деца и млади „Вермилион“ распишува конкурс за илустратор/уметник за илустрација на корица и 20 илустрации за книга за деца. Внатрешните илустрации треба да бидат црно-бели, а корицата во колор.

Ако сте заинтересирани ве молиме испратете најмногу три оригинални илустрации со максимална величина 130х200мм инспирирани од посочениот текст по е-пошта во JPG формат на vermilion.books@gmail.com
со назнака: КОНКУРС ЗА ИЛУСТРАЦИЈА
Краен рок за пријавување: 15 декември 2011

Избраниот илустратор ќе добие награда од 10.000 денари. Името на илустраторот ќе биде објавено во книгата, а по желба ќе има можност за мала изложба во склоп на промоцијата на книгата.

Текст:

Под селото имаше поле и река, а над селото стрмен, каменест пат кој водеше право пругоре кон градот. А, тој пат овде-онде го пресекуваше малечко планинско поточе, кое стануваше поголемо само кога ќе паднеа обилни врнежи, кога ќе надојдеше и здивеше водата и кога ќе започнеше да турка и носи се’ пред себе...

Е, веднаш покрај поточето беше и волшебното дрво за кое сега сакам да ви раскажувам.

Еден ден кога заедно со татко ми, рано в зори, поминувавме по тој пат сакајќи што побрзо да стигнеме и да го здогледам градот, токму покрај тоа волшебно дрво имаше ископано голема дупка. Се забележуваше дека е свежа, земјата ровка, а татко ми рече дека внатре имало грне злато и дека го откопал оној кој претходно го сонил. Според обликот на дупката, која копачот не успеал ни да ја покрие зашто било ноќе, се плашел и брзал, се гледаше дека тука лежел сад со облик на грне. А, дека бил земјен, исто така, можеше да се заклучи по едно малечко парче кое се одлушнало и останало тука.

Еден ден, ако станеш археолог, и ти ќе пронаоѓаш и откопуваш вакви садови полни со злато - рече татко ми, сакајќи уште повеќе да го подгрее моето љубопитство. Во тој миг, сигурно тој не ни претпоставуваше дека јас одвај чекам да се вратиме назад од градот - за уште еднаш да ја разгледам дупката, но и стапките во калта кои водеа десно од нашиот пат, кон едно друго планинско патче, кое постарите дедовци го нарекуваа арамиски пат, зашто тој навлегуваше длабоко во шумата и ретко кој се осмелуваше да врви по него, зашто имаше дивеч, но и остри и високи карпи.

И, така, речиси секој ден потоа, јас одев кај земјената дупка до волшебното дрво и со часови или седев на тревата која опојно мирисаше на мајчина душичка, ги набљудував дивите пчели, или пак, со дрвен колец копав во дупката за евентуално да не најдам нешто друго, но бидејќи не најдов ништо - еден ден му кажав на татко ми “каде си го губам времето“, но не заборавив да го прашам зошто кога се враќавме од градот за тоа дрво ми рече дека е волшебно.

Па, зошто е волшебно треба да откриеш ти, а не јас да ти кажам - налутено рече тој, додавајќи дека јас сум доволно голем за да го откријам самиот тоа.

Го набљудував стеблото на дрвото, му ја допирав кората, ги туркав мравките и бубачките кои лазеа по него, ја корнев тревата со раце или раскопував со дрвениот колец околу стеблото, но никако не можев да откријам зошто е волшебно, сî додека еден ден дрвото не расцвета и гранките не се разубавеа како млади невести со розов цут. Дури тогаш сфатив дека е тоа јаболкница и одвај чекав да се појават, заврзат и узреат нејзините плодови. Дали ќе бидат тоа диви кисели ситни јаболкца, или пак сочни слатки големи домашни јаболка - беше тоа мојата најголема дилема, заедно со мислата која ли уста прва ќе ги вкуси, зашто јаболкницата беше веднаш покрај самиот пат и секој можеше да ги дофати, да се качи до врвот од стеблото, да фрли со камен, да удри со прачка...

ХРИСТО ПЕТРЕСКИ НАГРАДЕН ЗА НАЈДОБАР РАКОПИС ЗА ДЕЦА ОД „ВЕРМИЛИОН“

2011-08-25T15:50:00.013+02:00

Иако малку задоцнето, поради продолжувањето на конкурсот, конечно можеме да го објавиме победникот на годинешниот конкурс за најдобар необјавен ракопис за деца од издавачката куќа „Вермилион“. Победник е збирката раскази „Златното јаболко и тринаесетте ѕвезди“ од Петрески. Збирката раскази на Христо Петрески, иако мала по обем, содржи богатство на теми раскажани со несомнена наративна вештина, кои на извонредно успешен начин ги поврзуваат современите проблеми од животот на децата со мотивите од народното творештво, притоа давајќи им нов живот на традиционалните приказни на различните народи кои живеат на нашето подрачје.

Како првонаградена на конкурсот, збирката на Петрески ќе биде објавена од издавачката куќа „Вермилион“ и свечено промовирана на 2 април 2012 година, по повод Светскиот ден на литературата за деца.

Христо Петрески е роден во 1957 година во Крушево. Член е на Друштвото на писателите на Македонија од 1985 година. Петрески е магистер по културологија во книжевноста на Институтот за македонска литература при Универзитетот "Св. Кирил и Методиј" - Скопје. Сега е докторант на темата "Авторска бајка - компаративна анализа".

Досега за деца ги има напишано "Љубов плус" (Детска радост" - Скопје, 1993), "Скопскиот трамвај" ("Феникс" - Скопје, 1996), "Најголемата тајна" ("Феникс" - Скопје, 2004), "Збогум, Кензо Танге" ("Феникс" - Скопје, 2006), Детето што сакаше да стане пчела ("Феникс" - Скопје, 2010). Добитник е на наградите за книгата за деца "Скопскиот трамвај" - награда "Васил Куноски", за книгата "На умните не им требаат скали за качување" - награда "Ванчо Николески".

Покрај тоа што пишува за деца, Христо Петрески пишува и за возрасни.

Промоција и изложба на Ева Петрич

2011-04-20T08:59:00.012+02:00

Вчера во 20 часот во Културно информативниот центар беше промовиран македонскиот превод на „Сите јадеа суши“ на словенечката авторка и уметничка Ева Петрич. Настанот свечено го отвори Амбасадорот на Република Словенија, г. Брајан Бергант, а книгата ја претстави проф. д-р Владимир Мартиновски. Истовремено беше отворена и нејзината изложба под наслов „Една големина одговара за сите“ која е тесно поврзана со книгата „Сите јадеа суши“. Изложбата ја промовираше Маја Чанкуловска-Михајловска.

Ви благодариме што со вашето присуство го направивте овој настан поубав.

Eва Петрич на штандот на Вермилион

2011-04-16T16:11:00.012+02:00

Денеска од 12.00 до 15.00 часот авторката и уметничка Ева Петрич од Словенија потпишуваше примероци од македонскиот преводот на нејзината книга „Сите јадеа суши“, на штандот на „Вермилион“ на Скопскиот саем на книгата. Издавањето на оваа книга беше финансиски помогнато од програмата Култура 2007-2013 на Европската унија.

Ни беше задоволство што беше наша гостинка.

Оние кои пропуштија да ја запознаат денеска, ќе имаат можност да дојдат на промоцијата на нејзината книга во вторник, 19 април во КИЦ во 20.00 часот. Книгата ќе ја промовира Владимир Мартиновски. Ова истовремено ќе биде и отварање на изложба на фотографии и видео на Ева Петрич. Изложбата ќе биде промовирана од Маја Чанкуловска.

Гостување на авторката Ева Петрич

2011-04-05T18:17:00.005+02:00

На покана од издавачката куќа за деца и млади ВЕРМИЛИОН од Скопје, младата словенечка авторка и уметничка Ева Петрич ќе биде специјален гостин на 23 Меѓународен саем на книгата во Скопје, што ќе се одржи од 12 до 17 април 2011 г.

На 16 април 2011, од 12.00 до 15.00 часот, Петрич ќе биде гостин на штандот на „Вермилион“ на Саемот на книгата и за посетителите ќе потпишува примероци од македонското издание на нејзиниот роман „Сите јадеа суши“. Македонското издание на романот на Ева Петрич „Сите јадеа суши“, објавено од издавачката куќа ВЕРМИЛИОН, е овозможено преку поддршката од Програмата за култура (2007-2013) на Европската унија.

Официјална промоција на македонското издание на романот на Петрич „Сите јадеа суши“ ќе се одржи на 19 април 2011, во 20.00 часот, во Културно информативниот центар (КИЦ) во Скопје. Книгата е издадена во едицијата „Тајната градина“ наменета за читатели над 14 години.

Ева Петрич е родена во 1983 година во Крањ, Словенија, а во моментов живее и работи во Виена. Дипломирала психологија и уметност на Универзитетот Вебстер во Виена, а магистрирала уметност во нови медиуми на Трансарт Институт во Њујорк. Се занимава со пишување, фотографија, видео и перформанс.

Во 2007 година ја издава својата поетска збирка „Овој простор е кутија“, заедно со циклус од црно бели фотографии. „Сите јадеа суши“ (2009) е нејзиниот прв објавен роман. Авторка е и на романите „Кутија без кожа, лебди“ (2009), преведена на шпански, како и на поетската збирка напишана на германски јазик Dieser Raum ist ein Schachtel (2009). Авторка е и на четири филмски сценарија, од кои два имаат добиено грантови од Филмскиот фонд на Словенија.

Романот „Сите јадеа суши“ е номиниран за престижната литературна награда IMPAC Dublin. Рецензијата во словенечкиот неделник „Дело“ истакнува: „Прозниот првенец на Ева Петрич внесува во современата словенечка проза своевидна новост, но и предизвик“.

„Сите јадеа суши“ има анатомија на суши, и буквално и метафорички, бидејќи се состои од различни состојки. И како што состојките на сушито се завиткани во едно, главните јунаци на овој роман се исто така завиткани во сопствените љубовни приказни. Како што се одвиткува романот така се одвиткуваат и испреплетените љубовни приказни на три двојки кои како да наликуваат една на друга, само во различни околности.

Денес се одржа Фестивалот на детската книга

2011-04-02T16:18:00.008+02:00

Им благодариме на сите оние кои подарија книги во акцијата „Да им помогнеме на децата да го засакаат читањето“. Беа собрани околу 150 наслови, кои заедно со 50 нови книги од изданијата на Вермилион, ќе бидат подарени за децата од Воспитно-поправните домови во Македонија. Донацијата ја прими претставникот од Министерството за правда, Момчило Лазаревски,

Уште повеќе би сакале да им се заблагодариме на сите оние кои со своето присуство во Детскиот креативен центар на МКЦ го збогатија Фестивалот на детската книга. Проф. Весна Мојсова-Чепишевска на многу непосреден и пријатен начин ни ја претстави „Легендата за Марфи Компирката“ од Овен Колфер. Елена Тодорова ни прочита извадок од книгата, а потоа им читаше на сите дечиња кои сакаа да слушнат повеќе од книгата. А сите присутни можеа да ја погледнат изложбата на илустрации од Димитар Торбаков.

На овој начин го одбележавме 2 април, Меѓународниот ден на литературата за деца. Се надеваме дека овој настан ќе создаде многу нови читатели.

Фестивал на детската книга

2011-03-31T08:03:00.006+02:00

Во рамките на одбележувањето на Меѓународниот ден на литературата за деца, на 2 април 2011 година со почеток во 12 часот, издавачката куќа Вермилион и Детскиот креативен центар на Младинскиот културен центар Скопје, организираат Фестивал на детската книга.

По овој повод, Вермилион за прв пат во Македонија ќе промовира книга погодна за дислексични и неволни читатели: „Легендата за Марфи Компирката“ од прочуениот ирски автор за деца Овен Колфер. Книгата и според содржината и според дизајнот е приспособена за деца кои имаат проблеми со читањето. Дислексијата покрива цел спектар на проблеми, не само читање и пишување, туку и разбирање, меморија и организациски вештини. Овие деца успеваат да научат да читаат на 9 или 10 години, но сè уште не се подготвени за подолгите книги кои се препорачуваат за оваа возраст. Ним им се потребни многу покуси книги, но напишани од првокласни автори, со интересна содржина, реалистични ликови и заплет кој ќе им го задржи вниманието.

Книгата ќе ја претстави проф. д-р Весна Мојсова-Чепишевска, професорка по светска и македонска книжевност за деца на Филолошкиот факултет „Блаже Конески“ во Скопје. Издавањето на оваа книга беше финансиски помогнато од програмата Култура 2007-2013 на Европската унија.

Промоцијата ќе биде проследена со изложба на илустрации од книгата, од македонскиот илустратор Димитар Торбаков.

Резултати од конкурсот за илустратор

2011-03-30T09:00:00.004+02:00

Би сакале да им се заблагодариме на сите учесници на конкурсот за илустратор. На конкурсот пристигнаа вкупно 20 илустрации. Изборот беше многу тежок, бидејќи сите пријавени илустрации беа интересни и квалитетни.
Жирито одлучи за победник да го избере Матеј Богдановски.
Првонаградениот ќе ја илустрира книгата за деца и млади „Девојчето од лед“ од Мила Павичевиќ во издание на Вермилион, која ќе можете да ја најдете во книжарниците до крајот на оваа година.

Честитки за победникот и благодарност до сите кои учествуваа.

Меѓународен ден на книгата за деца

2011-03-06T12:46:00.009+01:00

Овогодишниот покровител на Меѓународниот ден на книгата за деца, 2 април, е Естонија.

Книгата памети

„Кога Арно и татко му стигнаа до училишната зграда, часовите веќе без започнале.“

Во мојата татковина Естонија речиси секој наизуст ја знае оваа реченица. Таа е воведната реченица од книгата „Пролет“, издадена во 1912 година и напишана од естонскиот писател Оскар Лутс (1887-1953).

„Пролет“ говори за животите на децата кои посетувале парохиско училиште во Естонија кон крајот на XIX век. Оскар Лутс пишува за сопственото детство. Ликот Арно е всушност Оскар Лутс кога бил дете. Истражувачите ги проучуваат старите документи и врз основа на тоа пишуваат истории. Историите зборуваат за настани кои се случиле, но во нив не секогаш е јасно какви биле животите на обичните луѓе.

Книгите ги паметат оние приказни кои не можат да се најдат во документите. На пример, тие ни кажуваат на што мислел Арно во моментот кога одел на училиште пред сто години, или за што сонувале децата во тоа време, од што се плашеле и на што се радувале. Книгата се сеќава и на родителите, се сеќава каква иднина им посакувале на своите деца.

Се разбира дека можеме и сега да пишуваме многу интересни книги за старите времиња. Но денешниот писател не може потполно да ги знае мирисите и вкусовите, стравовите и радостите од далечното минато. Денешните писатели веќе знаат што се случило и каква е иднината на луѓето од минатото.

Книгата го памети времето во кое е напишана.

Од книгите на Чарлс Дикенс можеме да откриеме каков бил животот на децата на улиците на Лондон во средината на XIX век - во времето на Оливер Твист. Низ очите на Дејвид Коперфилд (очите на Дикенс) гледаме секакви ликови кои живееле во Англија во средината на XIX век - какви им биле односите, и како мислите и чувствата влијаеле на тие односи. Бидејќи Дејвид Коперфилд е на многу начини самиот Чарлс Дикенс, Дикенс не морал да измислува, туку знаел.

Од книгите знаеме како му било на Том Соер, Хаклбери Фин и нивниот пријател Џим на нивните патешествија по течението на реката Мисисипи кон крајот XIX век, кога Марк Твен пишувал авантури. Тој детално знаел што мислеле луѓето еден за друг, бидејќи живеел меѓу тие луѓе. Бил еден од нив.

Во литературата најточните сведоштва за луѓето од минатото се оние кои се напишани во времето кога живееле овие дамнешни луѓе.

Книгата памети.

Автор на пораката: Аино Петвик
Илустрација: Јири Милдеберг
Превод од англиски: Марија Тодорова

Повик за илустратор на книга за деца

2011-02-16T16:42:00.007+01:00

Издавачката куќа за деца и млади „Вермилион“ бара илустратор/уметник за илустрација на корица и 20 помали внатрешни илустрации за книга за деца. Внатрешните илустрации треба да бидат црно-бели.
Ако сте заинтересирани ве молиме испратете најмногу три оригинални илустрации со максимална величина 130х200мм инспирирани од посочениот текст на:
Вермилион
П.фах. 288
1001 Скопје
или по е-пошта во JPG формат на vermilion@t-home.mk
со назнака: КОНКУРС ЗА ИЛУСТРАЦИЈА
Краен рок за пријавување: 15 март 2011

Избраниот илустратор ќе добие награда од 10.000 денари. Името на илустраторот ќе биде објавено во книгата, а по желба ќе има можност за мала изложба во склоп на промоцијата на книгата.

Текст:

Девојчето од лед

Некогаш одамна, многу одамна, во едно мало и сосема непознато кралство си живееше сосема само едно мало девојче од лед. Девојчето немаше родители или барем никогаш не ги запозна. Немаше ниту пријатели, беше многу студена за некој да си игра со неа.
Живееше на врвот на една ѕвездена, снежна планина во малечка снежна куќичка. Секое утро безименото снежно девојче излегуваше од куќичката и го гледаше сонцето. Не можеше предолго да го гледа за да не се стопи.
На соседната планина, пак, живееше лошиот крал со своето семејство: злобната кралица и нивниот син единец. Принцот беше млад, чесен, убав како сонцето. Беше сосема спротивен од своите стари и грди родители. Еден ден принцот тргна на прошетка и како што обично бива, го сретна девојчето. Веднаш се заљуби: таа беше толку бела и убава како лед. Од ден на ден, кога излегуваше сонцето, принцот доаѓаше да ја гледа додека таа го гледаше сонцето. Во кралскиот дворец се враќаше необично среќен. Тоа им почна да им пречи на неговите родители, па решија да побараат помош.
Го посетија селскиот врач, својот безвреден и кутар слуга. Врачот беше целиот сив како глушец, тенок како стапче, а злобата му се гледаше во крваво црвените очи. Кога врачот ги здогледа кралот и кралицата пред својата врата, длабоко се поклони, како што прават сите потпикнувачи. Сепак, тој не беше сосема обичен врач. Знаеше да ја предвиди вистината и тоа на начин својствен само нему. Земаше два глинени сада, едниот го полнеше со вода, другиот со млеко, и ја префрлаше една течност во другата се додека во неа не ја видеше вистината. И така врачот почна со своето вражање и им предвиде на кралот и кралицата: „Вашите проблеми ќе се решат. Онаа што ја засака вашиот принц, е пријателка на коњот“. Сосема незадоволни од одговорот кралот и кралицата се вратија во својот дворец не разбирајќи ни збор од она што им го кажа врачот.
За тоа време младиот принц тргна да оди кај својата ледена девојка кога по патот виде чудно суштество, со качулка на главата, сиво како глушец, со црвени очи од кои се гледаше некакво светло. Младиот принц беше премлад и неискусен па не препозна дека тоа светло не е ништо друго ами злоба. Така, младиот принц му се доближи на суштеството. Овој му се претстави како сиромашен трговски патник кој продава волшебна напивка. Па принцот ја купи напивката. (Иако не веруваше дека е волшебен, сакаше да му помогне на човекот). Штом го купи малото темно црвено шишенце, човекот исчезна. Бидејќи принцот беше многу жеден се напи голтка од шишенцето и ... истиот миг принцот, убав како сонце, се претвори во коњ.
И така принцот-коњ луташе со денови (и ноќи) низ планината, исплашен и осамен, додека едно утро не го здогледа своето мало девојче како гледа во сонцето. И’ пристапи (сега, бидејќи беше коњ, можеше да и’ пристапи). На девојчето толку му се виде убав коњот што се согласи да си игра со него. Си играа цел ден, ама се случи несреќа! Во моментот кога играта беше најубава, на принцот му се лизна копитото и тој на место ја смачка малечката девојка. Тогаш коњот запрепастено крикна и отрча за веќе никогаш да не се врати.
По него наскоро дојде и Смртта. Беше сосема бела, како снег. Клекна покрај расфрланите делчиња од скршеното девојче, ги зема и ги однесе во својот подземен кралски дворец, такашто никој не ни знаеше дека девојчето некогаш постоело.
И така луѓето кои минуваа прашуваа: „Кој живее во онаа мала снежна куќичка на врвот на брдото?“ Се додека еден ден не им се врати одек: „Никој! Беше тоа премногу одамна!“

©2010 Вермилион

Тори и пиратската кралица

2011-02-13T18:09:00.003+01:00

Оние кои уживаа во авантурите на Тори и Палче во „Тори и принцот змија“, наскоро ќе можат да прочитаат нова епизода од патешествијата на Тори во „Тори и пиратската кралица“. Овој пат авантурата е поморска. Ана е млад капетан на мисија да го спаси татка си од Невила, пиратската кралица. Посадата на бродот ја сочинуваат дузина пензионирани пирати и нејзиното тајно оружје: Тори, најстарото Старо од Дивата шума. Пирати, волшебни богатства, морски змии, принц на пуст остров и кралство на кое му се заканува ушасна клетва...

„Тори и пиратската кралица“ е добитник на Наградата Лила Стерлинг која ја доделува Друштвото на писатели на Канада.

Авторката Криста Јохансен со серијата за авантурите на Тори ги води своите читатели на патување кое никогаш нема да го заборават.

Девојчето од лед и други бајки

2011-02-10T07:41:00.009+01:00

Европската награда за литература се доделува секоја година на по еден автор од група од 12 европски земји. Досега имаше два круга на доделување на оваа награда и 24 наградени книги и автори. Сепак единствената книга за деца е наградената од Хрватска.
Младата поетеса Мила Павичевиќ е родена во Дубровник во 1988 година. Студира компаративна литература и грчки јазик и литература на Универзитетот во Загреб. Добитник е на неколку литературни награди за млади писатели во Хрватска. Нејзината книга „Девојчето од лед и други бајки“, издадена во 2006 година, содржи 13 приказни, и е интересна комбинација на чудесното и натприродното кои се преплетуваат со реалното. Напишана е на таков начин што нема јасна граница или контраст помеѓу реалното и измисленото, меѓу можното и неможното. „Почестена сум со оваа награда и признанието на европско ниво ми значи многу“, вели Мила Павичевиќ која е и најмлада добитничка на Европската награда за литература.

Вермилион ќе им ја претстави оваа книга на своите читатели до крајот на оваа година.

Конкурс за книга за деца

2011-01-07T10:25:00.002+01:00

Потсетување за сите заинтересирани дека крајниот рок за поднесување на текстовите е 15 февруари 2011 година, во шифриран плик испратен на следната адреса:

ВЕРМИЛИОН
П.Фах 288
1001 Скопје
(со назнака: за конкурс)

Повеќе...

Среќна Нова Година

2010-12-31T13:06:00.005+01:00

Драги пријатели на Вермилион,

Изминатава година презедовме неколку иницијативи кои далеку ги надминаа нашите очекувања. Издадовме четири нови наслови. Дониравме седум преводи на сликовници за нашите најмлади читатели кои се достапни на интернет страната на Меѓународната дигитална библиотека за деца. 150 примероци од нашите книги беа донирани за децата од Првата детска амбасада во светот Меѓаши, дневните центри на организаците Сумнал и Мир, Домот за деца без родители „11 Октомври“ и „СОС Детско село“ од Скопје. Канадската авторка К.В. Јохансен ја посети Македонија и зборуваше за својата книга „Тори и принцот-змија“ во библиотеката Страшо Пинџур.

Ви благодариме за вашата поддршката која ќе ни овозможи да продолжиме да бидеме активни и во следната година.

Со искрени желби за среќа и мир во Новата Година.

„Книга за сè“ во Меѓаши

2010-12-03T15:16:00.011+01:00

Холандскиот автор Хус Кајер во својата „Книга за сè“ му се спротивставува на семејното насилство на начин кој е чувствителен, ненападен и полн со хумор. Томас, кој има девет години, знае дека мора да се соочи со својот татко и со помош на сосетката, г-а ван Амерсфорт, тој ќе собере храброст за отворено да проговори за насилството во своето семејство.

Токму затоа, 20 примероци од овој кус но прекрасен роман наменет за деца од 9-12 годишна возраст, но и за сите родители, беа донирани за потребите на Меѓаши. Дел од книгите ќе им бидат подарени на децата кои го посетуваат центарот, а дел ќе останата во нивната библиотека.

Во рамките на Првата детска амбасада во светот Меѓаши функционира и СОС телефонот за деца и млади 0800 1 2222 (бесплатна линија). „...линиите за помош на деца им ја даваат можноста на децата да добијат помош и да ги изразат своите проблеми. “

Оваа година Првата детска амбасада во светот Меѓаши слави 18 години од своето постоење. Во извештајот за нивната работа пишува: „Амбасадата со своите активности придонесе во развивањето и јакнењето на граѓанската свест за детските права. Taa го сруши молкот за детските страдања, особено за физичката, сексуалната и економската злоупотреба на децата, откривајќи во јавноста повеќе случаи на злоупотреби и директно ангажирајќи се за воспоставување поефикасни механизми за заштита на децата.“

2011 IMPAC DUBLIN

2010-11-15T23:06:00.007+01:00

Денеска беше објавена листата на номинации за највредната годишна литературна награда за дело објавено на англиски јазик, IMPAC DUBLIN 2011. Вкупно 162 наслови од 126 града и 43 земји од светот ќе се натпреваруваат за 100.000 евра. Интересно е што 42 книги се преводи, опфаќајќи 14 јазици, а 35 се дебитантски романи.

Меѓу номинираните е и книгата на Ева Петрич „Сите јадеа суши“ која до крајот на годинава ќе биде објавена на македонски јазик во издание на Вермилион. Во текот на 2011 Вермилион ќе објави уште еден превод, овојпат на еден од членовите на жири комисијата која ја доделува IMPAC наградата оваа година. Имено, станува збор за „Раседи“ на Ненси Хјустон. Другите членови на жирито се: Џон Бојн, Сузан Баснет и преведувачот Мајкл Хофман

Потесниот избор од околу 10 наслови ќе биде објавен на 12 април 2011, а добитникот на наградата ќе биде познат за јавноста на 15 јуни.

„Литературата за деца и културната разноликост“ од Марија Тодорова

2010-10-31T15:31:00.004+01:00

Литературата за деца, за жал, сè уште е на маргините како на продукцијата, така и на истражувачките и академските анализи на литературата воопшто. Во светот оваа ситуација почнува да се менува. Следејќи ги светските трендови, но и својата посветеност на развивање и промоција на литературата за деца, издавачката куќа „Вермилион“ започна нова серија на теоретски книги кои ќе опфаќаат теми и прашања поврзани со литературата за деца, од истражувачи и теоретичари од различни дисциплини.

Нашата прва книга во серијата теоретски анализи поврзани со литературата за деца е книгата „Литературата за деца и културната разноликост“ на Марија Тодорова.

„Аспектите на стварноста што ги третира Марија Тодорова укажува на еден особен сензибилитет на авторката за фините и запоставени сегменти во градењето на културните вредности на онаа популација, имено детската, која е највулнерабилна но и најподготвена да се отвори кон светот во сето негово богатство.„ - проф. д-р Антоанела Петковска.

Марија Тодорова е лектор на Универзитетот Американ Колеџ Скопје, Факултет за странски јазици. Тодорова е и преведувач на литература за деца од англиски јазик. Добитник е на наградите „Златно перо“во 2007 година и наградата за најдобар превод на Зимскиот саем во 2008 година. Во моментов е докторанд на Институтот за одбранбени и мировни студии.

„Книга за сè“ од Хус Каијер

2010-10-30T18:44:00.004+02:00

Извонредна приказна - необична, возбудлива, магична. Едноставниот и моќен стилот со кој е напишана „Книга за сè“ потсетува на Сент-Егзипери: исто како и „Малиот принц”, и ова е приказна за сите генерации.

Истовремено весела и тажна, книгата е раскажана преку очите на деветгодишното детенце Томас, кој може да види работи кои никој друг не може да ги види. Тропски рипчиња како пловат по каналите во Амстердам. Жаби во поштенското сандаче. Ангели кои си покриваат очите и гласно плачат кога татко му ја тепа мајка му.

Сите овие работи, вклучително и своите најголеми соништа и најстрашни стравови, Томас ги запишува во една тајна тетратка, наречена “Книга за сè”. Во неа ја запишува и својата најголема амбиција: да биде среќен.

“Книга за сè” е прекрасна книга за деца и возрасни, која на секој читател ќе му даде инспирација и надеж. Ова навистина е книга за сè што е важно во животот: за храброста, семејството, љубовта и уште многу други работи.

Добитник на Златниот ракопис и Златниот був, 2005 и Наградата за литература за деца и млади, доделена од Кралството Холандија во 1979 година.

„Кралскиот гавран“ од Ханс Вилхелм

2010-09-25T22:22:00.004+02:00

„Кралскиот гавран“ е приказна за еден обичен гавран кој копнееше да биде посебен, различен. Кога и да ги здогледаше своите обични пердуви, Крафорд посакуваше да изгледа поинаку. Желбата му беше исполнета, но дали Крафорд стана посреќен?

Ова е уште една интересна и поучна приказна од Ханс Вилхелм, кој на македонски можете да го прочитате на интернет страната на Меѓународната дигитална библиотека за деца.

Повеќето од 200-те книги на Ханс Вилхелм се преведени на дваесет јазици и се адаптирани во анимирани телевизиски серии за деца низ целиот свет. Неговите книги имаат добиено бројни меѓународни награди и признанија.

Каталог 2011

2010-09-11T10:32:00.004+02:00

Денот на Роалд Дал

2010-09-08T22:54:00.009+02:00

Секоја година на 13 септември во Британија и низ светот се слави Денот на Роалд Дал. На овој ден во 1916 година е роден познатиот писател на „Чарли и фабриката за чоколадо“ и многу други книги за деца. Денеска во светот Роалд Дал е познат како еден од најуспешните писатели за деца. Како што самиот вели „Јас повеќе ги сакам моите книги за деца од расказите за возрасни. Потешко е да се напише книга за деца. Потешко е да се задржи интересот на детето затоа што децата ја немаат концентрацијата на возрасните. Детето знае дека телевизорот е во соседната соба. Тешко е да го задржиш вниманието на детето, но прекрасно е да се обидеш.“
Во селото Грејт Мисенден, во срцето на Бакингамшир, 30тина километри северозападно од Лондон, каде живееше и пишуваше 36 години можете да го посетите Музејот на Роалд Дал.
Фондацијата Роалд Дал помага во подобрување на животот на сериозно болните деца, особено во областа на неврологијата (болест на мозокот) и хематологијата (болест на крвта).
Од 2008 година во Британија секоја година се доделува наградата Роалд Дал за авторот на најсмешната книга за деца.

КОНКУРС ЗА КНИГА ЗА ДЕЦА

2010-09-06T19:36:00.004+02:00

Издавачката куќа „Вермилион“ распишува конкурс за книга за деца

Поднесените дела треба:
• да имаат наративна форма
• да бидат наменети за деца од 8-14 годишна возраст
• да бидат напишани на македонски јазик
• да не биле досега објавувани
• да ги поттикнуваат децата да ги прифаќаат разликите и да одбиваат секаков вид на дискриминација, да ги прават поотворени кон другите култури и начини на живот и да ги промовираат концептите и идеите на толеранцијата и мирот.

Конкурсот е анонимен. Текстовите треба да се предадат најдоцна до 15 февруари 2011 година, во шифриран плик испратен на следната адреса:

ВЕРМИЛИОН
П.Фах 288
1001 Скопје
(со назнака: за конкурс)

Во друг, посебно означен плик, што ќе биде отворен по изборот, треба да биде наведена шифрата и контакт информации за авторот на делото. Доставените дела не се враќаат. Дозволени се номинации само од авторите на делата. Одлуката на жирито е конечна.

Учесниците ќе бидат известени за резултатите од конкурсот најдоцна до 30 март 2011, а победникот ќе биде јавно претставен на 2 април 2011 година.

Тричленото жири ќе додели една парична откупна награда, а делото ќе биде објавено. Жирито го задржува правото да не ја додели наградата.

Целта е да се поттикне продукцијата на литературата за деца.

Славните пишуваат за деца

2010-09-03T09:49:00.013+02:00

Книгата за деца на познатата холивудска црвенокоса актерка Џулијан Мур, „Јаготка со дамкаво лице“, ќе биде оживеана на сцена, преку музичка адаптација. Книгата се заснова на личното искуство и прекарот на актерката и го следи седумгодишното девојче кое пронаоѓа вистинско пријателство откако сите ја задеваат поради црвената коса и дамките.„Пишувањето за деца отсекогаш ми беше сон, но никогаш не очекував дека приказната ќе биде изведена на сцена како мјузикл“, изјави Мур.

Истиот тренд во пишување на книги за деца го следат и други познати холивудски актери. Еве неколку од нивните наслови:
„Дали навистина постои човечка раса?“ од Џејми Ли Кертис
„Приказна за богатството на Ноел“ од Глорија Естефан
„Голема книга за убаво однесување“ од Вупи Голдберг
На листата следат Брук Шилдс, Тори Спелинг, Џон Литгоу и др.

Мадона, пак, веќе има издадено неколку книги за деца. „Англиските рози“, „Авантурите на Абди“, „Јаков и седумте крадци“, „Невозможно“ и „Јаболките на господин Пибоди“ можат да се купат како комплет. Мадона доби доста добри критики како автор за деца.

На врвот на најпродаваните книги за деца во Британија се наоѓаат и книги од Пол Макартни, Кајли Миног, Џули Ендруз.

Па дури и Папата Бенедикт XVI неодамна ја објави својата последна книга за деца „Пријателите на Исус“ која раскажува за 12-те апостоли и Св. Павле.

Да се надеваме дека и нашите славни личности ќе добијат инспирација и ќе напишат некоја убава книга за најмалите, популаризирајќи го овој книжевен жанр.

„Финбо“ од Џанаки Суријарачи

2010-08-20T07:12:00.008+02:00

Џанаки Суријарачи од Шри Ланка својата прва книга ја напишала на осум годишна возраст, а првата книга ја објавила на 14 годишна возраст. Од тогаш има напишано над 125 приказни за деца. По професија е банкар, но Џанаки Суријарачи има повеќе таленти: таа пишува, слика, свири и танцува. Таа е автор и илустратор на своите приказни, а има компонирано и повеќе песни за деца. Нејзината издавачка куќа, Тикири, е специјализирана за книги за деца напишани на англиски, синхали и тамил.

Добитник е на Државната награда за книжевност, во категоријата литература за деца напишана на англиски јазик во 2004 и 2007 година. А во 2004 истата награда ја добила во категоријата литература за деца напишана на синхала јазик. Оваа награда ја доделува министерството за култура на Шри Ланка. А во 2005 године е добитник на Бунка наградата од Фондацијата за култура на Јапонија и Шри Ланка.

Финбо е еден мал кит. Тој е тажен бидејќи не може да игра криенка со пријателите - многу е голем и не може да се сокрие! Мајка му му кажува да не се срами од тоа што е поинаков. Финбо и неговите пријатели набргу ќе научат ја ценат големината на Финбо откако ќе западнат во невоља, а Финбо ќе ги спаси.

Уште две сликовници од Андреа Петрлик Хусеиновиќ

2010-08-19T20:53:00.012+02:00

„Циконија циконија“ и „Оскар“ се двете нови сликовници илустрирани од Андреа Петрлик Хусеиновиќ, што можете на македонски да ги прочитате на интернет страната на Меѓународната дигитална библиотека за деца.

Кога хрватското село на белиот штрк е разрушено од војната, тој тргнува во потрага по ново место за живеење. Сепак, открива дека никаде не е како дома.
Оскар е слон кој живее во градот на слоновите, но сака да се запознае и со други суштества. Еден ден отпловува кон еден остров каде се запознава со една убава слоница и со многу други нови пријатели.

„Неволји со Бен“ од Бери Луис Полисар

2010-07-21T06:51:00.011+02:00

Бери Луис Полисар е добитник на наградата Избор на родителите. Има напишано шест книги и преку сто песни, снимени на девет различни аудио касети за деца.

Има настапувано во Белата Куќа, Кенеди Центарот и Смитсонијан Институтот. Неговите песни се снимени за „Улицата Сезам“ и објавени во „Викли Ридер“.

Дејвид Кларк, дипломирал како првенец на генерацијата на Филаделфија колеџот за уметност и Пенсилванија академијата за уметност. Работи како илустратор од 1984 година и веќе има илустрирано две книги на Бери.

Бен е во неволја, бидејќи е поинаков од сите останати. Проблемот е што Бен е мечка. Меѓутоа ова никој не го забележува, бидејќи сите се обидуваат да го направат како другите. Прочитајте какви неволји му се случуваат на Бен на страната на Меѓународната дигитална библиотека за деца, во превод на македонски јазик на Марија Тодорова.

„Не предавај се Џозефин“ од Ханс Вилхелм

2010-07-20T22:14:00.007+02:00

Со повеќе од четириесетидва милиони издадени книги Ханс Вилхелм е еден од најголемите американски автори/илустратори на книги за деца. Повеќето од неговите 200 книги се преведени на дваесет јазици и се адаптирани во анимирани телевизиски серии за деца низ целиот свет. Неговите книги имаат добиено бројни меѓународни награди и признанија.

Неговите илустрации можат да се најдат во постојаните збирки на Маза музејот за уметност, Дод центарот на Универзитетот во Конектикат, Керлан збирката на Универзитетот Минесота, де Грамонд збирката на Универзитетот во Јужен Мисисипи.

Ханс е роден во Бремен, Германија. Повеќе години живеел во Африка пред да се пресели во Америка. Сега живее во Вестон, Конектикат на една стара фарма со својата жена Џуди Хендерсон, која е уметник.

„Не предавај се Џозефин“ е приказна за малата пингвинка, која е разочарана затоа што не е добра на училиште, но открива дека е подобро да истраеш отколку да се откажеш. Приказната е достапна на македонски јазик, во превод на Марија Тодорова, на интернет страната на Меѓународната дигитална библиотека за деца.

„Сино небо“ од Андреа Петрлик Хусеиновиќ

2010-07-07T22:28:00.007+02:00

Андреа Петрлик Хусеиновиќ е родена во Загреб во 1966 година. Досега има илустрирано 21 сликовница. За време на учеството на УНЕСКО-БИБ работилницата во Братислава есента 2001 година, ја напиша и илустрираше својата прва самостојна сликовница „Синото небо“. За илустрациите во оваа книга ги доби наградите Григор Витез и БИБ (Биенале на илустрации Братислава) златната плакета во 2003 година. Оригиналните дела од книгата „Сино небо“ се дел од Меѓународната збирка во Чичиро музејот за уметност во Јапонија, една од најголемите збирки на илистрации од сликовници на светот

„Сино небо“ е приказна за едно тажно и осамено мало девојче кое сонува дека повторно ја гледа мајка си додека ги гледа облаците на небото. Еден ден среќава една необична птица која му помага на девојчето да се врати кај мајка си.

Благодарение на нашиот волонтерски проект, оваа книга сега можете да ја прочитајте и на македонски, на интернет страната на Меѓународната дигитална библиотека за деца.

„Ѕверски убаво“ од Јелена Лужина

2010-06-27T08:43:00.000+02:00

КНИГА НА ТАПЕТ

РОЗАТА И ВЕПАРОТ
Ане Провоуст
„Вермилион“, 2010

Ѕверски убаво

Што воопшто знаеме за фламанската литература, а особено за современата? Претпоставувам дека од ваквото банално прашање, само навидум реторичко, тргнале и сопствениците на малата скопска издавачка куќа „Вермилион“, кога решиле на македонски да го преведат мошне интригантниот роман „Розата и вепарот“, чија што авторка е Ане Провоуст, една од најпознатите фламански писателки (родена 1964 г. во Белгија). Ајде, признајте дека никогаш не го слушнавте името на таа жена, инаку потписничка на пет романи и исто толку книги есеи, која во изминатите дваесетина години, освен што интензивно пишувала и, протестантски ефикасна, интензивно си го гледала семејството (родила три деца), не запустувајќи ги своите „напоредни“ општествени ангажмани (2007 г. била кандидирана за членка на белгискиот Сенат, на листата на Зелените), успеала да изнасобере безмалку триесетина книжевни награди. Половина од тие награди се меѓународни, добиени откако книгите на Ане Провоуст биле преведени, та испечатени на најмалку петнаесет јазици..(повеќе)

Книги и магионичарски трикови

2010-05-26T20:21:00.012+02:00

Во соработка со непрофитната организација од САД „Магионичари без граници“, Вермилион и Том Вернер донесоа магија во Домот за деца без родители „11 Октомври“, СОС Детско село и дневните центри на организаците Сумнал и Мир.

Библиотеките на Сумнал и Мир се збогатија со по 12 книги од 4 изданија на Вермилион, кои се надеваме дека ќе ги поттикнат децата да го искористат летниот распуст за повеќе да читаат.

Иднината на издаваштвото за деца

2010-05-21T09:58:00.004+02:00

Во последно време многу се зборува и се пишува за електронските изданија на книгите, па затоа решивме да пренесеме дел од размислувањата на експертите.

Мајкл Норис, медиумски аналитичар вели дека издавачите на книги за деца се „неверојатно важни“ за опстанокот на издаваштвото во целина. „Ако мислите на иднината на оваа гранка, можеме да се надеваме дека оние кои денес ја читаат „Многу гладната гасеница“ за неколку години ќе станат читатели на литература за возрасни“.

Во денешно време, издавачите за деца се обидуваат да ги привлечат децата да читаат нудејќи им придружни интернет страни кои се богати со слики кои на младите читатели ќе им ја приближат приказната. Заедно со приказната на страниците од хартија, децата можат да играат интернет видео игри, да добијат награди, да создадат интернет идентитети и да се зачленат во мрежи за дружење. Ова им создава потешкотија на издавачите и бара од нив постојана посветеност на пари и време.

Оние кои се љубопитни овде можат да добијат две бесплатни елетронски книги.

Авторите и издавачите за деца ги трансформираат своите изданија во дигитални верзии за новите телефони, комбинирајќи ги приказните со софистицирани звучни ефекти, анимации и 3Д ефекти. Некои од овие најнови верзии на книгите им дозволуваат на родителите и децата да ги снимаат своите гласови кога читаат.

За само неколку месеци „Д-р Сус“, „Љубопитниот Џорџ“, „Алиса во земјата на чудата“ и многу други детски литературни икони се појавија на екраните на мобилните телефони, најчесто за многу помала цена од цената на книгата купена во книжарница.

Ваквите книги отвораат многу прашања во жанрот на детските книги. За авторите, дигиталната платформа отвора големо поле за интерактивност со читателите на многу покреативен начин. За издавачите, отвораат потенцијално нов извор на приходи, особено од продажбата на игри поврзани со приказните. За родителите, ова значи уште една причина зошто децата да го позајмат телефонот на мама или на тато или да побараат сопствен мобилен телефон.

Електронските приказни се секако литература, но прашање е дали сè уште можеме да ги наречеме „книги“, бидејќи веќе не можат да се најдат физички во библиотека. Каде води сето ова? Дали се електронските читачи добри за младите читатели на долг рок? Она што се знае е дека сè уште најпотребна е добрата приказна, бидејќи публиката не може да се задржи само со технички трикови.

Од книгите се учи толеранција

2010-05-17T12:49:00.015+02:00

На денешниот Меѓународен ден против хомофобијата, сакаме да потсетиме дека дискриминацијата и стигматизацијата на ЛГБТ популацијата се „повредување на човековото достоинство кое ги става во прашање основните права и затоа мора остро да се осуди“, вели претседателот на Европскиот парламент.

Бидејќи децата учат толеранција и почитување и од книгите би сакале да ви предложиме неколку книги (книгите се на аглиски јазик, но се надеваме дека наскоро ќе можеме да ги најдеме и на македонски)

„Кралот и кралот“ од Линда де Хан и Стерн Ниленд, Трицикл: 2002 (3+ години)

„Танго за тројца“ од Џастин Ричардсон и Питер Парнел, Сајмон и Шустер: 2005 (4+ години)

„Да не сум син?: излегување од тишината“ од повеќе автори, ХарперКолинс: 1995 (13+ години)

Зелени вредности и меѓу книгите

2010-04-21T18:05:00.012+02:00

Децата учат да се грижат за планетата Земја како што учат и сè друго. Бидејќи читањето би требало да е секојдневна активност за секое дете, сметаме дека е природно преку книгите кои децата ги читаат да им се пренесе еколошка свест. Од класиците како Лоракс од д-р Сус и Дарежливото дрво од Шел Силверстин, преку прирачници за еко-проекти што можете да ги направите заедно со вашите деца, книгите кои ги споделувате со вашето дете можат да помогнат тоа да развие почит кон планетата Земја и живиот свет на неа, како и да стане свесно за потребата за нивно зачувување и за идните генерации.

Затоа, прославувајќи го Денот на планетата Земја, ве потсетуваме на „зелените“ книги, и го најавуваме придонесот на „Вермилион“ кон поттикнувањето на еколошката свест кај читателите. Во серијата на книги кои зборуваат за екологијата прво ќе ги опфатиме малку повозрасните читатели со книгата „До Вавилон и назад“ од познатиот велшки автор и еколог Роберт Минхиник. Роберт Минхиник работи на полето на заштитата на животната средина и е еден од основачите на организациите „Пријатели на Земјата“ и „Одржлив Велс“. Збирката на есеи „До Вавилон и назад“ е добитник на наградата Најдобра книга во Велс за 2006 година.

Бидејќи заштитата на животната среди зазема централно место во денешниот свет, сметавме дека воведувањето на серија книги кои ќе зборуваат на оваа тема ќе придонесат да се развиваме како еколошки свесна издавачка куќа. Се разбира, сите наши изданија се печатат на рециклирана хартија.

Но ако сакате да направите уште повеќе, со Eco-Libris за секоја прочитана книга насадете дрво.

Канадската фантастика во Македонија

2010-04-16T06:00:00.018+02:00

Децата треба да читаат од задоволство, а не затоа што им е обврска. Канадската авторка Криста Јохансен вели дека ова може да се постигне со многу читање уште од најрана возраст, со читање на што е можно повеќе различни книги. Криста им прочита дел од книгата „Тори и принцот змија“ на учениците од основното училиште „Браќа Миладиновци“ од Скопје кои дојдоа во библиотеката „Страшо Пинџур“. По читањето поставија многу прашања на кои авторката со задоволство одговараше. Тие сакаа да знаат како е да се пишува, како се станува писател, од каде доаѓа инспирацијата.

Во своето интервју за „Време“ Јохансен вели дека едукацијата на возрасните за книгите за деца е исто така неопходна. На Универзитетот американ колеџ Скопје, во рамките на Денот на канадската култура, зборуваше за канадската фантастика заедно со проф. Дракулевска-Капушевска и проф. Урошевиќ, кој многу позитивно го оцени и романот „Тори и принцот змија“ и неговиот превод.

На саемот на книгата во Скопје, Криста В. Јохансен учествуваше на промоцијата на преводот на нејзината книга „Тори и принцот-змија“ заедно со м-р Трајче Стамески, потпиша голем број книги за оние кои го посетија штандот на Вермилион, и ја доби наградата „Ана Франк“ за најдобра книга за деца и млади во 2010 година.

.

За да дознаете како си помина Криста Јохансен можете да го прочитате нејзиниот дневник тука.

Криста Јохансен на 22 меѓународен саем на книгата во Скопје

2010-04-07T21:15:00.020+02:00

На покана од издавачката куќа за деца и млади ВЕРМИЛИОН од Скопје, познатата канадска писателка за деца Криста В. Јохансен ќе биде специјален гостин на 22 Меѓународен саем на книгата во Скопје, што ќе се одржи од 13 до 18 април 2010.

На 14 април, со почеток во 16 часот, Јохансен ќе присуствува на промоцијата на македонското издание на нејзиниот фантастичен роман за деца „Тори и принцот-змија“. За време на настанот авторката ќе потпишува книги за посетителите на штандот на „Вермилион“.

Во рамки на нејзиното гостување на Саемот на книгата, на 15 април во 13 часот авторка К. В. Јохансен свечено ќе ја добие и меѓународната награда „Ана Франк“, што ја оделуваат книгоиздателството „Феникс“ и Фондацијата „Македонија презент“. Жирито одлучи да ја награди популарната писателка за книгата „Тори и принцот-змија“ поради извонредниот сликовит и живописен стил, и заплет полн со пресврти и магија, кој ги освојува младите читатели.

К. В. Јохансен е авторка на десетина фантастични и научно-фантастични романи за деца и млади, збирки на раскази за возрасни, како и серијата на сликовници „Пипин и Мејбл“. Јохансен е родена во Кингстон, Онтарио, Канада во 1968 година. Студирала англиски јазик и историја на Универзитетот Маунт Алисон, а магистрирала средновековни студии во Центарот за средновековни студии на Универзитетот во Торонто, како и англиски јазик на Универзитетот Мекалистер во Хамилтон. Живее во Саквил, Канада. Членка е на Сојузот на писатели на Канада, Толкиновото здружение, како и Друштвото за проучување на раноанглиски текстови. Добитничка е на низа национални награди за литература, како Наградата за рана детска писменост (2000), Наградата Френсис Е. Расел за истражување на детската литература (2004), Наградата Лила Стирлинг од Канадското друштво на писатели (2006) и наградата Ен Конор Бример (2008).

Светски ден на книгата за деца

2010-04-01T00:26:00.014+02:00

По повод 2 Април - Светскиот ден на литературата за деца ВЕРМИЛИОН, следејќи ја својата традиција, подари 100 книги од своите изданија на Домот за деца без родители „11 Октомври“ и „СОС Детско село“ од Скопје, во вкупна парична вредност од 31.000 денари.

Светскиот ден на литературата за деца се одбележува на 2 април, роденденот на познатиот детски автор Ханс Кристијан Андерсен. Во целиот свет овој ден се одбележува со цел да се поттикне љубовта кон читањето и да се посвети посебно внимание на литературата за деца. Секоја година различна земја ја има честа да биде меѓународен промотор на Денот на литературата за деца. Оваа година тоа е Шпанија. Постерот со кој годинава ќе се одбележи е дело на илустраторката Ноеми Виламуса, а пораката со наслов „Un libro te espera, buscalo!” („Книгата те чека, најди ја!“) ја напиша Елиасер Кансино, еден од најпознатите шпански автори за деца и млади.

Un libro te espera, buscalo! Книгата те чека, најди ја!

Елиасер Кансино

Си беше еднаш

едно мало бротче,

кое не знаеше

кое не можеше

да плови

Една, две, три,

четири, пет, шест седмици поминаа,

и малото бротче

отплови.

Учиме да играме и да пееме пред да научиме да читаме. Децата во мојот крај ја пееја оваа песна пред да научат да читаат. Правевме круг на улица, а нашите гласови се натпреваруваа со оние на штурчињата, повторувајќи ги стиховите за малото бротче кое не можело да плови.

Понекогаш правевме и мали бротчиња од хартија и ги стававме во баричките, а тие потонуваа пред да стигнат до брегот.

И јас бев како мал брод закотвен во улиците на моето маало. Попладнињата ги поминував на кровот гледајќи во сонцето на заоѓање и предвидувајќи ја далечната иднина - иако не ми беше јасно дали ѕиркам во просторот или во моето срце - замислувајќи си прекрасен свет кој ми е на дофат на раката.

Зад кутиите, во оставата, дома имаше и една мала книга која не можеше да отплови, бидејќи никој ја немаше прочитано. Толку пати поминав покрај неа, а ниту еднаш не забележав дека е таму. Бротче од хартија заглавено во калта: осамена книга, сокриена на полицата зад кутиите.

Еден ден, мојата рака бараше нешто и го допре грбот на книгата. Да бев јас книга, вака ќе раскажував сега: „Еден ден, раката на едно дете ја допре мојата корица и јас почувствував како едрото се распнува и како запловувам“.

Колку се изненадив кога ја здогледав! Книгата беше мала со црвена корица и златен печат. Ја отворив со исчекување, како некој кој тукушто пронашол сандак со богатство и со нетрпение очекува што ќе пронајде внатре. И не се разочарав. Само што почнав да читам, открив дека ме чека авантура; хероизмот на главниот лик, добрите, лошите, илустрациите со објаснувања кои ги разгледував по неколкупати, опасностите, изненадувањата... сето тоа ме однесе во свет кој беше возбудлив и непознат.

Ете тоа е приказната како открив дека недалеку од мојата куќа има река, а на крајот од реката море, а во морето брод кој плови. Првиот брод на кој отпловив се викаше Хиспаниола, но можеше да се вика и Наутилус, Росинанте, бродот на Синбад или Големиот брод на Хаклбери... Сите тие, колку и да минало време, ќе чекаат некое дете да ги погледне, да им ги наполни едрата и да запловат...

Затоа не чекај. Подај рака и одбери книга. Прочитај ја и ќе откриеш дека како и мојата песна од детството, нема брод, колку и да е мал, кој со време нема да научи да плива.

Конкурс за книга за деца која промовира мир

2010-03-31T19:33:00.002+02:00

Годинава на конкурсот за книга за деца која промовира мир пристигнаа три ракописи. Нашето жири составено од м-р Зоран Попоски (издавач), м-р Марија Тодорова (преведувач) и м-р Трајче Стамески (книжевен теоретичар) ги разгледаа пристигнатите ракописи како од аспект на книжевните вредности така и од аспект на задоволување на критериумите на конкурсот, а особено барањето доставените дела да ги поттикнуваат децата да ги прифаќаат разликите и да одбиваат секаков вид на дискриминација, да ги прават поотворени кон другите култури и начини на живот и да ги промовираат концептите и идеите на толеранцијата и мирот.

Жирито заклучи дека пријавените дела го задоволуваат едниот, но не и другиот критериум, па затоа награда нема да биде доделена. На сите пријавени им благодариме и им посакуваме голем успех во нивното натамошно творештво.

Ве покануваме да се пријавите на конкурсот следната година.

2010 посветена на Џани Родари

2010-03-29T17:33:00.006+02:00

Оваа година имаме многу причини да се потсетиме на Џани Родари: 90 години од неговото раѓање, 30 години од смртта и 40 години откако ја доби наградата Ханс Кристијан Андерсен, најзначајната награда за литература за деца во светот. Како единствен италијански добитник на наградата, овој автор се смета за најзначаен италијански писател за деца во 20 век и е преведен на повеќе од 50 јазици. Делата на Родари ја стекнуваат својата популарност како дел од класиците за деца бидејќи имаат „лесен допир, добро темпо, прецизност, видливи се и разновидни“. Тие се блиски до детскиот имагинарен свет, а едновремено можат да стимулираат и образуваат.

Родари започнал да пишува за деца за неделното издание на еден весник сè додека не собрал доволно песни за деца за да ги издаде во книга. Потоа, постепено сè почесто пишувал литература за деца, додека самиот студирал образование, наставни методи и психологија.

„Розата и вепарот“ од Ане Провоуст

2010-03-27T20:06:00.006+01:00

Розата и вепарот е богата книга, вистинско ремек дело на уметноста на јазикот.

Во приказната, убавината на главниот лик е поврзана со низа несреќи во нејзината околина. Самовилите се борат да ја задржат нејзината убавина, додека ангелите се борат за нејзината невиност. Откако Антверп ќе го погоди епидемија на сипаници, совршената убавина на Розалена ќе предизвика уште поголема нежност, фрустрации и агресија. На крајот, судбината ја води Розалена кон лордот Тиберт, грд како вепар и исто толку прост и невнимателен.

Внатрешната убавина или деформитет повторно докажуваат дека се посложени и понепредвидливи од физичката убавина.

Ане Провоуст е фламанска писателка. Родена е во Белгија во 1964 година. Студирала книжевност на универзитетот во Лувен. Членка е на ПЕН и на Кралската академија за холандски јазик и книжевност, како и амбасадор на Ханс Кристијан Андерсен од 2005 година. Живее во Антверп, Белгија, со сопругот и трите деца.

Добитник е на повеќе меѓународни награди за книжевност, меѓу кои: Златен був 1995, Златен бакнеж 1998, Книга лав 1998, Награда на Ди Цајт 2000, Награда на Австрија за млади читатели 2001.

„Труба“ од Џеки Кеј

2010-03-20T20:44:00.003+01:00

Третата едиција на Вермилион е наменета за млади над 18 години. Прва книга во оваа едиција е романот „Труба“

Романот „Труба“ од современата шкотска авторка Џеки Кеј е исклучителна книга од писателка која е извонредно вешт стилист. Раскажана со јасен, резервиран и крајно несентиментален јазик, „Труба“ е приказна за љубовта и за загубата.

Приказната започнува со смртта на познатиот џез трубач Џос Муди, кој зад себе ги остава сопругата Мили и нивниот посвоен син Колман. Кеј на извонреден начин ги претставува последиците од смртта на Муди и дознавањето на големата тајна која Џос и Мили внимателно ја криеле од останатиот свет – вклучително и од нивниот син.

Со јасна, елегантна проза и плејада живописни ликови, Кеј успеала да напише интригантен роман чиј главен јунак оставил печат врз многу животи, печат на љубов и мистерија.

Џеки Кеј (р. 1961, Единбург) е поетеса и романсиерка. Добитник е на наградата „Сомерсет Мом“ за поетската книга „Други љубови“ (1994) и на наградата на весникот „Гардијан“ за романот „Труба“ (1998).

Роденденот на д-р Сус

2010-03-06T11:24:00.011+01:00

Овој месец на низ Соединетите Американски Држави се слави роденденот на Д-р Сус (Dr. Seuss), автор и илустратор за деца. Има напишано над 60 книги за деца, меѓу кои најпознати се „Зелени јајца и сланина“, „Мачка со шапка“ и „Една риба две риби црвена риба сина риба“, како и филмските адаптациии „Како Гринч го украде Божиќ“ и „Хортон слушна кој!“. Повеќе...

„Колку повеќе читаш, толку повеќе ќе знаеш. Колку повеќе знаеш, толку повеќе места ќе видиш.“ д-р Сус, „Можам да читам со затворени очи“

Подарок за нашите најмали читатели

2010-01-19T11:21:00.002+01:00

Зајчето Питер од Беатрикс Потер

Награден конкурс за книга за деца

2009-12-22T21:17:00.010+01:00

Потсетување дека се` уште е во тек конкурсот за необјавена книга за деца. Најдобрата ќе биде наградена со откупна парична награда од 30.000 денари и ќе биде објавена.

Право на учество на конкурсот имаат сите граѓани на Република Македонија. Пристигнатите дела треба да ги исполнуваат следните услови:

• Да бидат оригинални дела, на македонски јазик, кои не се претходно објавувани;
• Да спаѓаат во жанрот роман или збирка раскази за деца;
• Да бидат наменети за деца од 8-14 годишна возраст;
• Да ги поттикнуваат децата да ги прифаќаат разликите и да одбиваат секаков вид на дискриминација, да ги прават поотворени кон другите култури и начини на живот и да ги промовираат концептите и идеите на толеранцијата и мирот.

Конкурсот е анонимен. Текстовите треба да се предадат најдоцна до 15 февруари 2010 година, во шифриран плик испратен на следната адреса:

ВЕРМИЛИОН
П.Фах 288
1001 Скопје

Во друг, посебно означен плик, што ќе биде отворен по изборот, треба да биде наведена шифрата и контакт информации за авторот на делото. Доставените дела не се враќаат. Дозволени се номинации само од авторите на делата. Одлуката на жирито е конечна.

Учесниците ќе бидат известени за резултатите од конкурсот најдоцна до 30 март 2010, а победникот ќе биде јавно претставен на 2 април 2010 година.

Резултати од конкурсот за илустратор

2009-12-21T16:46:00.013+01:00

Би сакале да им се заблагодариме на сите учесници на конкурсот за илустратор. На конкурсот пристигнаа вкупно 20 илустрации. Изборот беше многу тежок, бидејќи сите пријавени илустрации беа интересни и квалитетни. Сепак, жирито одлучи за победник да го избере Димитар Торбаков. Првонаградениот ќе ја илустрира книгата за деца „Марфи Компирката“ од Овен Колфер во издание на Вермилион, која ќе можете да ја најдете во книжарниците во март идната година.

Честитки за победникот и благодарност до сите кои учествуваа.

Повик за илустратор на книга за деца

2009-11-23T14:34:00.003+01:00

Каталог 2010

2009-11-10T02:11:00.011+01:00

Недела посветена на дислексијата

2009-10-31T18:58:00.007+01:00

Неделата од 2 до 8 ноември во Велика Британија е посветена на дислексијата.

Терминот дислексија значи „потешкотии со зборовите“. Всушност, покрива цел спектар на проблеми, не само со читањето и пишувањето, туку и со разбирањето, меморијата и организациските вештини. Дислексичните деца функцираат многу поинаку од вообичаено и потребни им се алтернативни наставни методи и материјали за да научат да читаат. Можеби ќе им биде потребно повеќе време од врсниците, но на крајот обично успеваат. Овие деца најчесто стануваат читатели на околу 9 до 10 годишна возраст, но многу често не се подготвени веднаш за подолгите книги во кои уживаат нивните современици. Ним им се потребни многу покуси книги, меѓутоа со инспиративни содржини, реалистични ликови и возбудлив заплет.

Дислексијата не смее да биде пречка во учењето, вработувањето и личната реализација. Да им помогнеме на родителите и нивните деца побргу да научат да читаат со интересни приказни кои се куси и без ниту еден досаден дел, приспособени за децата со дислексија!

Лепчето на Палче - бенок

2009-10-25T22:41:00.010+01:00

На авантурите со Палче често јадевме леб. Кога живееш талкачки живот, како Палче, не можеш да носиш со себе големи количини квасец, па затоа еве како таа прави леб. Овој леб е малку тежок, се разбира, оти нема квасец за да биде убав и лесен. Но нема авантура без малку неудобности. Овој леб е многу вкусен кога е топол, а кога е многу сув секогаш можеш да си го натопиш во супа или чај. Во Моровеј, се разбира, секогаш се јаде со сирење. А понекогаш и со јајца од гуска.
Помешај една и пол шолја овес, една шолја брашно, и прст-два сол.
(Кога велам овес, мислам вистинско брашно од овес: сомелен овес, а не овесни снегулки. Ако живееш покрај стара мелница не би требало да е тешко да најдеш брашно. Ако не, тогаш ќе треба малку да се помачиш, меѓутоа би требало да можеш да го најдеш некаде. Во еден свет кој го познавам го нарекуваат „шкотско брашно“, според земјата во која ваквите лепчиња се толку важни што еднаш се водела војна затоа што еден крал изгорел едно лепче. Или така некако, не сум сигурна. Имаше ли и пајак во таа приказна? Веројатно сум побркала неколку приказни. Да, кога ќе размислам подобро, изгледа сум ги побркала. Кралот кој ја изгорел тортата е од сосема друга земја. Ама ајде, и помнењето на моите приказни е доволно тешко. Ако не успееш да најдеш брашно, не очајувај, стави овесни снегулки. Веројатно и така ќе биде вкусно.)
Со прстите (ама прво измиј си ги рацете, бидејќи иако сите треба да се извалкаат понекогаш, ова не е време за тоа), замешај третина шолја путер. Потоа замешај околу третина шолја зовриена вода. Замеси го тестото. Треба да биде многу тврдо, а не лепливо. Ако е премногу суво, додај уште вода; ако е премногу течно, додај уште брашно.
Може да се испече на рамен чист камен покрај оган, но и скара ќе заврши работа, или тава. Витезите понекогаш ги користеле своите штитови, но бидејќи во времето на Палче сите штитови биле дрвени, ова не ќе беше добра идеја. А и покрај тоа, таа воопшто нема штит.
Стави на тавата малку масло. Потоа земи топче тесто колку што можеш да држиш на дланка, со дланките и со прстите сплескај го да биде тенко. Треба да биде дебело околу еден сантиметар. Направи колку што собира на каменот или во тавата и стави ги да се печат. Можеш да ги поткренеш со нож или со шпатула да видиш дали се готови. Ќе имаат кафени кругови. Внимавај да не зaгорат, но ако се малку поцрнети на неколку места не е страшно. Сврти ги за да се испечат и од другата страна. Зависно од тоа колку ти е голема тават (или каменот), ќе треба да ги печеш во неколку серии.
Кога ќе завршиш ќе има доволно за тебе и уште двајца пријатели, а може ќе остане и за појадок, во случај гоблинот да не бил многу гладен. Ова лепче многу заситува. Највкусно е кога се јадесо путер, џем, мед или моровејско сирење.
Друг вид на колачиња од овес кои се добри да се понесат кога се оди во авантура се нарекуваaт овесни торти. Тие се посуви од лебот на Палче, и личат на тенки, крцкави бисквити. Во еден свет кој го знам, може да се најде добар рецепт за нив во „Од кујните на Нова Скотија“, а може и да се купат готови во продавница и се нарекуваат „шкотски овесни торти“.

© 2008 K.V. Johansen
слика: Wikipedia, licensed under the Creative Commons Attribution ShareAlike 3.0
превод: Марија Тодорова

Ново од Вермилион

2009-10-10T22:26:00.008+02:00

„Сакате ли да ви ја раскажам приказната за мојата пријателка Палче , која тргна да го спасува принцот претворен во змија. И како ние двајцата се сплеткавме со мистериозната, талкачка пејачка по име Враноперка. Сè започна една далечна пролет, кога отидов во планините во Моровеј во потрага по авантура...“ Што следи потоа прочитајте во најновата книга од Вермилион, „Тори и принцот-змија“ од К.В. Јохансен.

„Типично за Јохансен, стилот одговара на заплетот: потраги, магија, шуми и замоци, опишани со ритам и вокабулар кој го води читателот во фантастичниот свет на Мрачното доба. ...Читателите кои сакаат фантастика ќе се најдат во свет кој е полн со живот, свеж и постојан. Кога би ја споредиле оваа книга со вино, во него би го насетиле вкусот на Толкин, К.С. Луис и браќата Грим, но и особениот вкус на Јохансен. ...Топло ја препорачувам.“ -Дејвид Вард, „Resource Links“

„Тори и принцот-змија“ беше на листата на почесни книги за деца на OLA "Best Bets" во 2007 година, беше номиниран за наградата „Сребрена бреза“ во 2008 година и е на листата за наградата „Смрека“ за 2009 година.

Бушавиот Петре

2009-08-13T20:18:00.004+02:00

Франкфурт оваа лето слави 200 години од раѓањето на творецот на "Struwwelpeter" („Бушавиот Петре“), д-р Хајнрих Хофман, германски психијатар и писател на најпознатата класична збирка приказни за деца од 1845 година. Книгата има десет морално поучни приказни, но со претерано катастрофални последици за непослушните деца.

За децата повеќе да читаат

2009-08-07T12:03:00.006+02:00

Читањето е неопходно за развојот на децата и безброј студии ја покажуваат врската помеѓу вештините за читање на рана возраст и понатамошниот успех во животот. Сепак, да се најдат книги кои децата сакаат да ги читаат или автори кои ги возбудуваат знае да биде тешко; изборот е застрашувачки, а советите се оскудни, па затоа сме ние тука да помогнеме:

Совети како да го негувате детскиот интерес за читање

1. Читањето треба да биде искуство кое детето ќе го сподели со родителот. Детето нека ве гледа како читате редовно, без разлика дали е тоа книга, весник или списание, бидејќи тоа ќе му всади љубов кон читањето од задоволство.
2. Оставете детето да ги одбере книгите кои ќе ги читате заедно. Ако вашето дете не сака некоја книга, не го терајте да ја чита. Оставете го да и' се врати откако ќе прочита нешто друго.
3. Читајте на место кое ќе ви биде удобно и вам и на вашето дете.
4. За време и по читањето зборувајте за приказната и дискутирајте за темите во книгата за подобро да бидат разбрани.
5. Менувајте го гласот и темпото во согласност со приказната.
6. Бодрете го и фалете го детето додека чита.
7. Ако има омилена книга или автор нека ги чита неколку пати, но запознајте го со автор или книга со сличен стил.
8. И пред сe' читањето нека биде забавно.

(адаптирано од Lovereading4kids)

Авторот и преведувачот

2009-07-19T18:21:00.009+02:00

Минатата недела авторката на збирката раскази „Црвените боцки“, Марго Ланаган и нејзината преведувачка на македонски јазик, Марија Тодорова, се сретнаа во Сиднеј, Австралија. Тие можеа да поразговараат за стилот, преведувачките стратегии, семантичките решенија и т.н.

Авторката беше заинтересирана да научи повеќе за македонскиот јазик и за Македонија воопшто.

Се надеваме дека авторката ќе ја возврати посетата за време на Меѓународниот саем на книгата во Скопје кон средината на април 2010 година.

„Водниот коњ“

2009-04-06T09:49:00.014+02:00

Најновата книга од „Вермилион“ е приказната за потеклото на митското чудовиште од Лох Нес. Но, она што наликува на чудовиште е само игриво и питомо суштество кое бргу ќе се спријатели со Кирсти и Ангус. „Водниот Коњ“ е приказна исполнета со магија и мистерија карактеристична за шкотскиот фолклор, но истовремено е и алегорија за различностите и за тоа како преку надминување на непознавањето и предрасудите децата откриваат пријател во страшното чудовиште.

Дик Кинг Смит е еден од најплодните и најчитаните британски автори за деца. Две главни карактеристики на неговиот стил се прекрасното чувство за хумор без лажна сентименталност и длабоката верба во можностите да се совладаат сите тешкотии и да се успее наспроти предизвиците. Животните се чести јунаци во неговите книги, меѓу кои се „Господин мајмун“, „Глувчето наречено Волк“, „Храброто прасе Бејб“.

„Водниот коњ“ на Дик Кинг Смит е идеална семејна книга за читање на глас.

Донација за библиотеката „ДРУГАРЧЕ“

2009-04-06T09:34:00.011+02:00

На 2 април 2009 година, во 12.00 часот во просториите на библиотеката „Другарче” во Скопје, издавачката куќа ВЕРМИЛИОН свечено додели донација на библиотеката „Другарче”, по повод 2 април, светскиот ден на литературата за деца. Како поддршка на работата на единствената библиотека посветена исклучиво на децата, библиотеката „Другарче” од Скопје, издавачката куќа ВЕРМИЛИОН донираше 90 книги од своите изданија, во вкупна парична вредност од 31.000 денари.

2 април - Светскиот ден на литературата за деца

2009-03-30T21:20:00.006+02:00

На 2 април, роденденот на Ханс Кристијан Андерсен, светот го одбележува Денот на литературата за деца. Се слави љубовта кон читањето и им се посветува внимание на книгите за деца.

Секоја година различна земја ја има честа да биде меѓународен промпотор на Денот на литературата за деца. Оваа година таа чест му припадна на Египет. Пораката и постерот кои ќе го обележат 2 април оваа година се дело на Хани Д. Ел-Масри.

Во Македонија, ние ќе го обележиме Денот на литературата за деца донирајќи 90 книги во единствената детска библиотека во Скопје, библиотеката „Другарче“. По триесет книги од трите досегашни изданија на Вермилион ќе им бидат достапни на сите љубители на книгата.

Вермилион во медиумите

2009-02-27T21:32:00.006+01:00

Дневник, 25 февруари 2009 година

„ЦРВЕНИ БОЦКИ“ ЗБИРКА РАСКАЗИ ОД МАРГО ЛАНАГАН, „ВЕРМИЛИОН“

Преку раскази, кои во прв момент личат дека се наменети за младите, авторката низ фантастичните приказни предупредува за темните страни на животот

Читањето на книгата „Црвени боцки“ од познатата и наградувана австралиска писателка Марго Ланаган е мала прошетка низ времето, низ личното време, низ обидот да се сетите што сте читале некогаш, што сте сакале да читате и што читате сега. Целната група на оваа авторка, добитник на светската награда за фантастика, се токму учениците, не оние најмладите , туку young adults. Ова е книга која секако ќе ги заинтересира и оние кои сакаат да учат низ призмата на фантастиката. Овие два аспекта не се во некоја убава бајковидна форма, туку во функција на мрачноста и мачнината. Марго Ланаган е добар познавач на инструментариумот на фантастиката, па и на научната фантастика. Таа своите приказни ги плете околу типизираните чудовишта, сеништа, низ влезот и излезот од сонот, низ нечија глава, нечија проекција или уште подобро низ нашата проекција за нештата, сфатени според личното или колективното убедување. (Повеќе)

Промоција на книгата „Црвени Боцки“ од Марго Ланаган

2009-02-11T10:00:00.009+01:00

Веселата азбука

2009-01-29T19:07:00.014+01:00

Познатиот писател Џон Апдајк, чии дела под заедничко име се познати како Iсторија на американската средна класа, почина вчера во Масачусетс. Освен дваесетипетте романи и петнаесетината збирки на кратки раскази, Апдајк има напишано и пет книги за деца, четири во 1960-те, а една во 1995 година.

Апдајк напиша 26 песни и „Весела азбука за убавите предмети“ за својот едногодишен син, Дејвид. Четириесет години подоцна, тој и Дејвид соработуваат на „Поучна азбука за пријателските предмети“, за која Џон ги напиша песните, а Дејвид ги направи фотографиите. „Детскиот календар“ кој претставува весело семејство низ годишните времиња, за прв пат беше објавена во 1965 година со песни од Џон Апдајк и илустрации од Ненси Бркерт. Истата книга е реиздадена во 2002 година со илустрации од наградуваната Трина Хајман и претставува повеќерасно семејство од Вермонт, САД. Синот на Дејвид, Весли, е со мешано расно потекло.

Ако сакате да пораснете писател, пишувајте. Апдајк вели дека својата инспирација ја добил гледајќи ја мајка си, писателката Линда Грејс Апдајк, како пишува и испраќа приказни по пошта. „Едно од моите најрани сеќавања е како седи на работната маса,“ еднаш напиша, „Се воодушевував на писателската опрема, кутиите бела хартија, и се сеќавам на кафените плика во кои приказните заминуваа – и се враќаа.“

Наскоро нова едиција за млади

2009-01-15T20:09:00.007+01:00

Фасцинантните раскази на Марго Ланаган застапени во збирката „Црвени боцки“ се случуваат во свет кој е поинаков од нашиот, па сепак секој од овие раскази зборува за тоа што значи да се биде човек. Тоа се раскази за копнежот за нешто повеќе, како и на процесот на учење да живееш со она што го имаш. Раскази кои покажуваат колку силен печат остава љубовта врз човечките животи.

Секогаш застрашувачки тие често зборуваат и за поблагородните амбиции на човештвото, меѓу кои честа, сочувството и љубовта во сите свои различни облици. Десетте раскази на Ланаган застапени во оваа наградувана книга продираат длабоко во амбисот на кошмарите, искушенијата и беспомошноста, со мешавина од сочен стил и инвентивност кои оваа збирка ја прават толку впечатлива.

Доколку мислите дека расказите не можат да се споредат со романите во однос на длабочината, силината на чувството или влијанието, тогаш не сте ја прочитале Марго Ланаган. Ретко имаме прилика да го посведочиме раѓањето на еден волку восхитувачки и оригинален авторски глас.

За сите кои сакате да бидете изненадени, трогнати, вознемирени, заинтригирани, или уплашени до смрт, подгответе се да бидете маѓепсани од мајсторството на овој врвен раскажувач.

Првата книга за деца

2008-10-25T08:39:00.008+02:00

Книгите за деца се книги кои се напишани и наменети за деца до 12 годишна возраст. Ова поле вклучува литература, едукативни текстови и сликовници.

Полето е доста широко па е многу тешко да се каже кога започнала историјата на книгите за деца. Но користејќи ја оваа дефиниција, многумина се согласуваат дека првата книга напишана за деца е Orbus Pictus (Светот низ слики), сликовница од 1658 година напишана од Јан Амос Коменски, наставник од Чешка.

Оваа книга, која личи на детска енциклопедија, е поделена на околу 150 поглавија кои опфаќаат различни теми од нежива природа, зоологија до религија.

Месец на книгата

2008-10-01T08:34:00.003+02:00

За некои од нас читањето не е само здобивање со знаење, туку можност да се влезе во световите кои може никогаш нема да ги видиме.

Октомври е месецот на книгата, кога го поттикнуваме читањето и ги охрабруваме оние кои поретко читаат да земат книга – и не само да земат книга, туку и да им ја прочитаат на своите деца. Постојат повеќе причини зошто да им читаме на нашите деца. Една од најдобрите е заеднички поминатото време.

Постојат и други причини. Децата на кои им било читано се подобри во училиште – не само затоа што стекнале повеќе знаење од книгите, туку затоа што научиле подобро како да зборуваат: нивниот речник е побогат и подобро ја разбираат моќта на комуникацијата.

Како што ќе им читате на вашите деца, наскоро ќе имаат омилени приказни и ќе бараат повторно да им ги прочитате. Ова е моментот кога треба да побарате од вашето дете само да ја раскаже приказната. На тој начин детето ќе ја вежба својата меморија што доаѓа прво, што второ, а што трето. Вашите деца ќе уживаат во раскажувањето на приказна од книга која нема текст, туку многу слики. Тоа ќе им помогне да ги користат своите јазични вештини и креативноста.

Постарите деца читаат за разонода и да избегаат од реалноста. Да станат дел од нови интересни светови или на кратко да го заборават светот во кој живеат. Обично децата кои читаат подоцна и добро ќе пишуваат. Читајќи добра литература го учат ритамот на јазикот и го зголемуваат речникот и учат како се создаваат реченици.

Овој месец посетете ги книжарниците, купете некоја убава книга за деца и читајте им на своите деца.

Светски конгрес за литература за млади

2008-09-19T20:50:00.008+02:00

Од 6 до 10 септември 2008 година во Копенхаген, Данска се одржа 31-ви Светски конгрес на Меѓународниот одбор за книги за млади. Темата на конгресот беше „Приказните низ историјата - историјата во приказните“. На конгресот учествуваа околу 500 луѓе од целиот свет: писатели, илустратори, наставници, библиотекари и љубители на литературата за деца.

Учесниците на настанот можеа да разгледуваат книги за деца од целиот свет. Покрај книгите беа организирани и неколку изложби на илустратори на книги за деца.

На овој настан за прв пат учествуваше и претставник од Македонија, претставувајќи ги книгите за деца од нашата земја.

Петар Пан во Институтот за белодробни заболувања кај децата

2008-04-02T20:37:00.018+02:00

На 2 април 2008, Петар Пан и неговата пријателка вилата Ѕвончичка ги посетија децата кои се лекуваат во Институтот за белодробни заболувања во Козле. Тие не само што на дечињата во болницата им пренесоа дел од чудесната земја Недојдија, туку и им ја подарија книгата „Петар Пан во црвено“ од Џералдин Макоркран.

Оваа книга е дел од донацијата која издавачката куќа Вермилион му ја додели на Институтот за белодробни заболувања. Останатиот дел од донацијата се состои од парична поддршка за работата на Институтот. Средствата од донацијата, според директорот на Институтот, ќе бидат искористени за купување на компјутерска опрема која ќе помогне хоспитализираните деца и персоналот од Институтот да имаат пристап до што повеќе информации користејќи интернет.

На овој ист ден целиот свет го одбележува Светскиот ден на книгата за деца и го промовира и поттикнува читањето на книги. Децата преку различните приказни се запознаваат со различните култури, различните начини на живот и израснуваат во личности кои имаат поголемо разбирање за светот во кој живеат. Се надеваме дека иницијативата ќе ги поттикне и родителите што повеќе да им читаат на своите деца и читањето да прерасне во семејна активност, на тој начин негувајќи ја оваа значајна вештина за децата.

НАГРАДЕН КОНКУРС

2008-04-02T08:22:00.004+02:00

По повод 2 април, светскиот ден на литературата за деца
Издавачката куќа “ВЕРМИЛИОН” распишува

НАГРАДЕН КОНКУРС
ЗА КНИГА ЗА ДЕЦА КОЈА ПРОМОВИРА КУЛТУРА НА МИР

Право на учество на конкурсот имаат сите граѓани на Република Македонија. Пристигнатите дела треба да ги исполнуваат следните услови:

• Да бидат оригинални дела на македонски јазик и не смеат да бидат претходно објавувани;
• Да спаѓаат во жанрот роман или збирка раскази за деца;
• Да бидат наменети за деца од 8-14 годишна возраст;
• Да ги поттикнуваат децата да ги прифаќаат разликите и да одбиваат секаков вид на дискриминација, да ги прават поотворени кон другите култури и начини на живот и да ги промовираат концептите и идеите на толеранцијата и мирот.

Најдобрата необјавена книга за деца во служба на мирот и толеранцијата ќе биде наградена со откупна парична награда од 30.000 денари и ќе биде објавена.

Конкурсот е анонимен. Текстовите во електронски облик (компакт диск или дискета) треба да се предадат најдоцна до 15 септември 2008 година, во шифриран плик испратен на следната адреса:

ВЕРМИЛИОН
П.Фах 288
1001 Скопје

Во друг, посебно означен плик, што ќе биде отворен по изборот, треба да биде наведена шифрата и контакт информации за авторот на делото.

Доставените дела не се враќаат. Дозволени се номинации само од авторите на делата. Одлуката на жирито е конечна.

Учесниците ќе бидат известени за резултатите од конкурсот најдоцна до 15 ноември 2008. Свеченото доделување на наградата и претставувањето на објавеното дело ќе биде на 2 април 2009 година.

Дигитални библиотеки за деца

2008-03-26T08:33:00.008+01:00

Дигиталните библиотеки се организирани колекции на дигитални содржини кои е достапни до широката јавност. Можат да содржат материјали кои биле дигитализирани, како што се дигитални копии на книги или други материјали од библиотеки и архиви или пак материјали кои во оригинал биле продуцирани како дигитални. Овие информации се достапни преку компјутер и интернет врска.

Едни од најстарите и најпознатите дигитални библиотеки се Проектот Персеj , Проектот Гутенберг и ибиблио.

Предноста на дигиталните библиотеки е тоа што се лесно достапни, имаат повеќе простор од традиционалните библиотеки, полесни се за одржување и се поевтини.

А сега замислете библиотека каде книгите се подредени по боја и по форма или според тоа какви чувства будат. Ваква е Меѓународната детска дигитална библиотека . Тука можете да најдете околу 200 книги за деца од различни земји од светот и на различни светски јазици. Три од книгите се на македонски јазик, а другите можете да ги искористите да научите некој од светските јазици.

Друга дигитална библиотека на која можете да најдете книги од околу 47 европски земји и нивните национални библиотеки е Европската библиотека . Во неа има и неколку колекции на книги за деца. Потоа, можете да ги погледнете и Болдвин Проектот за литература за деца, Болдвин библиотеката за литература за деца, Книги за деца на интернет Розета проект, Светско училиште.

Во Македонија сега за сега дигитални книги можете да најдете на интернет страната на Библиотеката „Браќа Миладиновци“ .

Илустрациите во книгите за деца конечно добиваат признание

2008-03-11T12:29:00.006+01:00

Не е „Мона Лиза“ ниту пак „Мајката на Вистлер“, но сликите како „Многу гладната гасеница“ или други познати илустрации од книгите за деца се стекнуваат со почит во високите уметнички кругови.
Иако некогаш се сметаше за жанр кој е забавен, но кој лесно се заборава, тој сé почесто станува дел од музејските колекции и се изучува на часовите во уметничките училишта.
Истовремено, како што расте почитта за уметноста во книгите за деца, следат и парите. Колекционерите ги купуваат илустрациите како инвестиција. Експертите велат дека сигурен знак дека некој жанр е прифатен е кога музеите, колекционерите и филантропите се подготвени да ги отворат паричниците, а ова сé почесто е случај со уметноста за деца.
„Оваа уметничка форма не се вреднува колку што заслужува иако големите илустратори на книги за деца работата под влијание на историјата на уметноста и модерните трендови,“ вели Х. Николс Б. Кларк, директор на музејот Карл (Carle Museum), во кој изложуваат бројни уметници и во чија постојана колекција се делата од долгогодишната кариера на Ерик Карл, вклучувајќи ја и „Гладната гасеница“.
Музејот Такома, Уметничкиот институт од Чикаго и Новобританскиот музеј за американска уметност од Конетикат во својата програма имаа изложби на илустрации за деца. „Не можам да кажам дека ги гледаме исто како што би гледале еден Моне, но сепак мислам дека им се посветува сé повеќе внимание,“ вели Џин Сауса, директорот на Уметничкиот институт од Чикаго. „Тоа е посебна дисциплина. Не мора да се натпреварува со Моне и сличните на него бидејќи има своја посебна вредност како уметност.“

(извадок од текст на STEPHANIE REITZ Associated Press)

„Водниот коњ“ на филм

2007-12-24T10:19:00.001+01:00

Утре, 25 декември 2007 година, се очекува премиерата на волшебниот филм за едно пријателство, базиран на книгата „Водниот коњ“ од Дик Кинг-Смит. Иако до некаде различна од онаа во книгата, приказната е забавна и ќе ја разбуди вашата фантазија без разлика на годините. Се зборува за односот на едно семејство и едно необично животно.

Допирајќи ја универзалната тема за магијата на пријателството, низ згодите со Крузо малиот Ангус созрева и учи да ја прифаќа реалноста.

Највозбудливиот дел од филмот се водните и подводните пловења на малиот Ангус на грбот на чудовиштето од Лох Нес.

Со еден збор одличен семеен филм.

Книгата на Дик Кинг-Смит можете да ја очекувате во книжарниците на македонски јазик во текот на февруари 2008 година во издание на Вермилион.

Ден на ненасилството

2007-10-02T10:30:00.002+02:00

Генералното собрание на Обединетите нации го прогласи 2 октомври – роденденот на Махатма Ганди – за Меѓународен ден на ненасилството со цел да се промовира пораката на мирот низ цел свет. Иницијативата потекнала пред неколку години од децата, главно од Јапонија и Кореа, кои посетувале курс по англиски јазик во Париз и гледале филм за Ганди.

Индискиот лидер за независност употребувајќи нов начин за масовна мобилизација и ненасилна акција, го собори колонијализмот и ги зацврсти корените на граѓанските, политичките и економските права. Со ова инспирираше и многу други борци за слобода како Нелсон Мандела и Мартин Лутер Кинг.

Собранието на ОН сакајќи да обезбеди култура на мир, толеранција, разбирање и ненасилство ги повика државите, телата на ОН, регионалните и невладините организации и поединците да го одбележат Денот на ненасилството преку едукација и подигање на јавната свест.

Вермилион во сите свои активности ги следи принципите на промовирање на културата на мир и ненасилството. За таа цел распишавме и откупен конкурс за книга за деца која ги промовира овие вредности. Крајниот рок за конкурирање наближува. Побрзајте и пријавете се.

Златно перо за „Петар Пан во црвено“

2007-09-28T23:51:00.003+02:00

Под мотото „Не го убивајте гласникот“, Меѓународната федерација на преведувачи на 30 септември го прославува Меѓународниот ден на преведувачите.

Во Македонија, како и секоја година и оваа по овој повод, Советот на Меѓународната средба на книжевни преведувачи – Тетово ги додели наградите за книжевен превод на дело објавенo во изминатата година.

Меѓу доделените награди, особена чест ни е што добитник на наградата Златно перо е Марија Тодорова за својот превод од англиски на македонски јазик на делото „Петар Пан во црвено“ од Џералдин Макоркран, во издание на Вермилион.

„Петар Пан во црвено“ е првото официјално продолжение на оригиналниот „Петар Пан“ од Џ.М. Бери.

Со секоја купена книга, читателите на „Петар Пан во црвено“ помагаат да се подобрат условите во кои се лекуваат децата на Институтот за белодробни заболувања - Козле.

Европски ден на јазиците

2007-09-26T13:06:00.001+02:00

Кон крајот на 2001, годината на јазиците, Советот на Европа го прогласи 26 септември секоја година за Европски ден на јазиците. Целта е низ Европа да се поттикне учењето на јазици. Во чест на овој ден насекаде низ Европа се организираат различни настани за деца, телевизиски и радио програми, курсеви за јазици и конференции.

Европската унија води политика на повеќејазичност. На Самитот во 2002 година во Барцелона се постави цел децата уште од мали да учат два странски јазика. Повеќејазичноста во ЕУ е поврзана со мобилноста на работниците и европската економија.

Европската унија инвестира повеќе од 30 милиони евра годишно за промовирање на учењето на јазици и лингвистичката разноврсност преку програмите Сократес и Леонардо да Винчи.

Меѓународен ден на мирот

2007-09-25T19:21:00.002+02:00

Уште во 1981 година Генералното собрание на Обединети нации прогласи Меѓународен ден на мирот. Во 2001 година за Меѓународен ден на мирот беше прогласен 21 септември.

Резолуцијата вели: „Меѓународниот ден на мирот е ден за глобално прекинување на огнот и за ненасилство, покана до сите нации и луѓе на тој денот да ги прекинат сите непријателства...“

„Ги повикува сите земји членки, организации во системот на Обединетите нации и невладините организациии, сите лица на соодветен начин да го одбележат Меѓународниот ден на мирот, вклучувајќи образовни активности и подигање на јавната свест, како и соработка со Обединетите нации во воспоставување на глобално прекинување на огнот.“

Овој ден нуди можност поединците, организациите и нациите на ист ден да изведат практични активности за мир. На овој ден, милиони луѓе учествуваат на настани како што се концерти, работилници и собири за мир.

Во своето обраќање по повод Денот на мирот оваа година, Генералниот секретар Бан Ки Мун изјави дека „Мирот е највисоката цел на Обединетите нации.“

Меѓутоа, во годината има уште 364 дена за делување во полза на мирот. Како инспирација можете да ја погледнете или некому на глас да му ја прочитате интересната приказна за Децата на мирот.

Светски ден на писменоста

2007-09-12T22:35:00.003+02:00

8 септември е прогласен од УНЕСКО за Ден на писменоста. Оваа година темата на која е ставен посебен акцент е „Писменоста и здравјето“. Во чест на Денот на писменоста, на Африканската регионална конференција за глобална писменост која се одржа на 10 септември во Бамако, Мали, УНЕСКО ги додели Наградите за писменост. Овие награди се доделуваат секоја година како признание за посебен придонес во борбата против неписменост.

Еден од петте добитници на награди е Проектот за книги за деца во Танзанија, невладина организација која работи на создавањето на култура на читање помеѓу младите, но и меѓу возрасните, преку зајакнување на локалната издавачка индустрија. Друг е организацијата Посегни и прочитај од САД која соработува со здравствените установи за да допре до децата од најсиромашните семејства кои најчесто не завршуваат училиште, промовирајќи писменост и култура на читање.

И неколку писатели се приклучија кон борбата на УНЕСКО против неписменоста. „Писателите за писменост“ е иницијатива во која учествуваат писатели како Маргарет Атвуд, Надин Годимер, Тони Морисон, Пауло Коељо и многу други. Во новата публикација на УНЕСКО, „Азбука на надежта“ , овие и други светски мајстори на пишаниот збор се залагаат за писменост за сите жители на нашата планета.

Наскоро во книжарниците

2007-08-19T12:20:00.003+02:00

К.В. Јохансен - Тори и принцот-змија

„Тори и принцот-змија“ е магична авантура полна со акција и неодолив хумор.

Откако некој ќе го киднапира престолонаследникот Лијас и никој нема да се пријави за да го спаси, Тори и Палче сфаќаат дека е време да преземат нешто. Двајцата пријатели патуваат низ планините, низ шумата, каде мораат да се справат со гоблинот шпион, лутата и смртоносна горска вила и загатката на пејачката Враноперка. Овие средби им помагаат да откријат како да го ослободат принцот и повторно да му го вратат човечкиот облик.

Ако ви се допадна оваа книга ќе ги сакате и другите три во серијата:
„Тори и змејот“
„Тори и жар птицата“
„Тори и пиратската кралица“

Криста Јохансен е авторка на шест книги за деца, една историја на детската литература и серија на сликовници. Живее во Саквил, Њу Брунсвик, Канада. Кога била мала најмногу сакала да чита и да шета со своето куче низ пасиштата и шумите.

К.В Јохансен смета дека најважното нешто што треба да го направиш додека си млад и ако сакаш да пишуваш е да читаш многу, да се обидуваш да пишуваш и да се усовршуваш. Треба да ги читаш и добрите автори што пишувале порано, а не само најновите и најпопуларните книги.

Дик Кинг Смит - Водниот коњ

„Водното коњче“ е прекрасна приказна за читање на глас. Кога осумгодишната Кирсти го донесе дома необичното јајце што го најде на брегот на Шкотска, нејзиното семејство не ни сонуваше дека ќе се изведе. Но следниот ден Кирсти во кадата најде малечко морско чудовиште! Дел коњ, дел жаба, дел желка и дел крокодил, ова беше најнеобичното суштество што го имаа видено. Само дедото на Кирсти знае што е - воден коњ!

Милото суштество беше совршено домашно милениче. Единствениот проблем е што не престануваше да расте! Ќе му најдат ли доволно голем дом на водното коњче?

Авторот Дик Кинг Смит најчесто пишува за животни: селските фантазии, како што тој сака да ги нарекува, му се најомилени. Сака да пишува за деца, да се среќава со децата кои ги читаат неговите книги и кои уживаат во она што тој го создава.

Неодамна можевте да ги гледате екранизациите на две негови книги: „Бејб, галантното прасе“ (добитник на Оскар во 1995 година) и „Мрежата на Шарлота“.